बारामती(व्हीकेएल ऑनलाईन): देशामध्ये सुरु असलेला अन्याय अत्याचार, चुकीच्या पद्धतीच्या राजकारणमुळे व हलगर्जीपणामुळे नांदेड येथील 31 नागरिकांचा मृत्यू झाला आहे. अशा बिकट परिस्थितीत राज्यसरकार पालकमंत्री पदे जाहीर करून आपल्या मंत्रिपदाचा जल्लोष साजरा करीत आहेत ही खूप निंदनीय बाब असल्याचे पुणे जिल्हा पूर्वचे जिल्हा अध्यक्ष राज यशवंत कुमार यांनी व्यक्त केले.
वंचित बहुजन आघाडीचे राष्ट्रीय अध्यक्ष ऍड. प्रकाश तथा बाळासाहेब आंबेडकर तसेच प्रदेशाध्यक्ष रेखाबाई ठाकूर यांच्या आदेशाने तसेच प्राध्यापक किसन चव्हाण यांच्या संकल्पनेतून गाव तिथे शाखा अभियानांतर्गत पुणे जिल्ह्यात शाखा निर्माण करण्याचे कार्य सुरू आहे. त्याचाच एक भाग म्हणून बारामती येथील प्रबुद्धनगर, दादासोनगर व बर्‍हाणपूर (ता.बारामती) या महत्वाच्या ठिकाणी वंचित बहुजन आघाडी शाखेची स्थापना करण्यात आली. पुणे जिल्हा पूर्वचे जिल्हाध्यक्ष राज यशवंत कुमार यांच्या हस्ते शाखाचे उदघाट्न मोठ्या दिमाखात करण्यात आले याप्रसंगी राजकुमार बोलत होते.
पुढे राजकुमार म्हणाले की, नेते मंडळींना नागरिकांचे काही देणं-घेणं नाही. मंत्रिपदामध्ये दंग असणारे नागरिकांची जबाबदारी घ्यायला तयार नाहीत त्यामुळे अशा नेत्यांना घरी बसवले पाहिजे असेही ते म्हणाले.
जिल्हा महासचिव मंगलदास निकाळजे यांनी महाराष्ट्र सरकारने शाळा दत्तकच्या निर्णयावरती तसेच कंत्राटीकरणाच्या निर्णयावरती नाराजी व्यक्त केली व हे सरकार बदलून वंचित बहुजन आघाडीची सत्ता आणा असे आव्हान केले व शाखा पदाधिकारी यांना शुभेच्छा दिल्या.
यावेळी जिल्हा उपाध्यक्ष सतीश साळवे, तालुका अध्यक्ष रामदास जगताप, बारामती शहर अध्यक्ष ऍड.रियाज खान यांनी शाखा पदाधिकारी यांना कामाची पद्धत सांगून नागरिकांचे प्रश्न सोडवण्याचे आवाहन केले व शाखा अध्यक्ष सुमित सोनवणे, आदेश निकाळजे, मयूर मोरे व त्यांच्या सोबतच्या सर्व पदाधिकारी यांना पुढील कार्यास शुभेच्छा दिल्या.
प्रथमत: विश्वरत्न डॉ.बाबासाहेब आंबेडकर यांच्या पुतळा स्मारकास अभिवादन करून हलगीच्या तालात प्रबुद्धनगरात रॅली काढत तेथील शाखेचे उद्घाटन करण्यात आले. पुढे रॅली दादासोनगर दिशेने जात त्याठिकाणच्या शाखेचे उद्घाटन करून बर्‍हाणपूर (ता.बारामती) येथे शाखा उद्घाटन करण्यात आले.
यावेळी जिल्हा सहसचिव गोविंदा कांबळे, जिल्हा संपर्क प्रमुख ऍड वैभव कांबळे, तालुका सचिव प्रतीक चव्हाण, तालुका संघटक आनंद जाधव, अशोक कुचेकर, गणेश थोरात, शहर उपाध्यक्ष जितेंद्र कवडे, शहर महासचिव कृष्णा साळूंके, शहर सचिव विनय दामोदरे, मोहन कांबळे, मालेगाव शहर अध्यक्ष आण्णा घोडके, सम्यक बारामती तालुका अध्यक्ष रोहित भोसले, किशोर मोरे, निरावागज शाखा अध्यक्ष प्रियांका देवकाते, सिद्धांत सावंत, अखिल बागवान, चैतन्य साबळे शिल्पा यशवदे, ज्योती पोळके, पूजा मोरे, निलम निकाळजे आदी पदाधिकारी उपस्थित होते.