इंदापूर(प्रतिनिधी-अशोक घोडके): भारतीय जनता पार्टीचे प्रदेशाध्यक्ष चंद्रशेखर बावनकुळे यांचे पुणे जिल्हा युवा मोर्चातर्फे जंगी स्वागत करणार असल्याचे युवा मोर्चाच्या जिल्हा अध्यक्षा अंकिता पाटील ठाकरे यांनी सांगितले.
प्रदेशाध्यक्ष चंद्रशेखर बावनकुळे यांचा पुणे जिल्ह्यात नियोजित दौरा होणार असून या दौर्याच्या अनुषंगाने पदाधिकारी कार्यकर्ते यांच्या बैठकीत संवाद साधताना पाटील बोलत होत्या.
चंद्रशेखर बावनकुळे यांच्या नियोजित दौरा संदर्भाने भोर विधानसभा मतदारसंघातील सुपर 100 पदाधिकारी-कार्यकर्ते यांच्या बैठकीस भाजप युवा मोर्चाच्या जिल्हाध्यक्ष अंकिता पाटील ठाकरे उपस्थित राहून त्यांनी मार्गदर्शन केले. त्यांच्यासमवेत संवाद साधत दौर्याचे नियोजन केले.
यावेळी भाजपा जिल्हाध्यक्ष वासुदेव काळे, उपाध्यक्ष बाळासाहेब गरुड, सरचिटणीस शेखर वढणे, राहुल शेवाळे, वैशाली सणस, निवडणूक प्रमुख भोर विधानसभा किरणदादा दगडे पाटील, भा.ज.यु.मो. महाराष्ट्र प्रदेश उपाध्यक्ष तथा पुणे दक्षिण प्रभारी कुणाल टिळक, सर्व मंडल अध्यक्ष,कार्यकर्ते, पदाधिकारी यावेळी उपस्थित होते.