अशोक कांबळे यांजकडून
फलटण(प्रतिनिधी): संत निरंकारी मिशन फलटण शाखेच्या वतीने सर्व रोग निदान मोफत आरोग्य शिबीराचे आयोजन करण्यात आले असल्याचे सातारा झोनचे प्रभारी नंदकुमार झांबरे यांनी सांगितले.
सदर शिबीर हनुमाननगर येथील सत्संग भवनात शनिवारी (ता.5) सकाळी 10 ते 5 यावेळेत होणार असून या शिबिरासाठी डॉ. पुरूषोत्तम अरोरा (प्रसिद्ध ह्रदय विकार तज्ञ, बेंगलोर) यांच्यासह दहा ते बारा अनुभवी डॉक्टरांची टीम उपस्थित राहणार आहे.
हे शिबीर सर्वांसाठी असून या शिबिरामध्ये हृदय विकारासह इतर आजारांची मोफत तपासणी करून त्यावर मोफत औषधे दिली जाणार आहेत. तपासणी साठी येताना शुगर, ब्लड प्रेशर तपसणी करून त्यांचे रिपोर्ट सोबत आणावे. या शिबिराचा फलटणसह परिसरातील जास्तीत जास्त गरजूंनी लाभ घ्यावा असे आवाहनही झांबरे यांनी केले आहे.
सदर शिबीर यशस्वीपणे पार पाडण्यासाठी बारामती क्षेत्राचे क्षेत्रीय संचालक किशोर माने यांच्या मार्गदर्शनाखाली फलटण शाखेचे मुखी अशोक लामकाने यांच्यासह सेवादल अधिकारी, सेवादल, सेवादल भगिनी विशेष परिश्रम घेणार आहेत.