बारामती(वार्ताहर): बारामती तालुका साऊंड,लाईट, जनरेटर असोशियनच्या अध्यक्षपदी शरद सोनवणे यांची एकमताने निवड करण्यात आली.
बारामती तालुका साऊंड,लाईट, जनरेटर असोशियनची वार्षिक आढावा बैठक नुकतीच न्यू अक्षदा मंगल कार्यालय येथे संपन्न झाली.
यावेळी साऊंड व्यवसाया संदर्भात येणार्या अडचणीवर चर्चा झाली. यामधुन साऊंडची नियमावली तयार करण्यात आली. या नियमावलीची प्रत अप्पर पोलीस अधीक्षक, बारामती शहर पोलीस स्टेशन यांना देण्यात आली आहे. बारामती शहर पोलीस स्टेशनचे पोलीस निरीक्षक सुनील महाडिक यांनी योग्य मार्गदर्शन केले व नियमावलीच्या बाहेर जे साऊंड लावतील त्यांच्यावर कडक कारवाई करण्याचा आश्र्वासन दिले असल्याचे शरद सोनवणे यांनी सांगितले आहे.
यावेळी कार्यकारिणीची निवड करण्यात आली. यामध्ये अध्यक्ष-शरद सोनवणे, उपाध्यक्ष -संतोष शिंदे, सेक्रेटरी- राहुल गायकवाड, उप-सेक्रेटरी-अरविंद माने, खजिनदार-योगेश सोनवणे, उपखजिनदार गणेश भोसले, कार्याध्यक्ष-गणेश सरवदे यांची निवड करण्यात आली. सदरची बैठक असोसिएशनचे ज्येष्ठ सभासद विकास सोनवणे, कानिफ नागे व प्रशांत भोईटे यांच्या उपस्थित खेळीमेळीतच्या वातावरणात संपन्न झाली.