बारामती(वार्ताहर): नटराज नाट्य कला मंडळाने दोन कोविड केअर सेंटर उभारून त्याचे व्यवस्थापन केल्याने मंडळ बारामतीकरांच्या गळ्यातील ताईत झाले असुन, बारामती शहरात माझे कुटुंब, माझी जबाबदारी या मोहिमेमध्ये प्रभाग क्र.15 मध्ये नटराजचे सदस्य तपासणी कार्यात सहभागी होऊन प्रशासनाला सहकार्य करण्याचा एक आदर्श सर्वांसमोर ठेवला आहे.
स्वत: नटराजचे अध्यक्ष किरण गुजर यांनी नागरीकांची थर्मल मीटरद्वारे तपासणी केली. यावेळी नगरीच्या नगराध्यक्षा सौ.पौर्णिमा तावरे उपस्थित होत्या.
बारामती शहरातील नागरिकांची बारामती नगर परिषदेच्या वतीने घरोघरी जाऊन कोरोनाची चाचणी घेतली जात आहेत. यामध्ये नटराजचे सदस्य अमर महाडिक, सचिन आगवणे, दीपक मुळे, श्रीकांत गालींदे, अक्षय महाडिक, संजय खडके, विनय आगवणे, मलिकार्जुन हिरेमठ, सचीन होळकर हे सहभागी झाले आहेत.
यामध्ये नागरिकांनी प्रशासनास सहकार्य करणेसाठी जागृती करने तसेच यामध्ये ज्या नागरिकाना लक्षणे आढळतात त्यांना शारदा प्रांगण शाळा नं.7 येथील तपासणीसाठी घेऊन जात होते. कोरोना पॉझिटिव्ह सापडतील अशा नागरिकांना पुढील उपचारासाठी रुग्णालयात, व यातील लक्षणे नसणार्या रुग्णांची सोय नटराजच्या वतीने सुरू करण्यात आलेल्या कोव्हिड केअर सेंटरमध्ये पुढील उपचारासाठी दाखल केले जात आहे.