बारामती(वार्ताहर): बारामती तालुका खरेदी विक्री संघाची सन 2022-27 पंचवार्षिक निवडणूक नुकतीच विरोधी पक्षनेते आ.अजित पवार यांच्या नेतृत्वाखाली बिनविरोध करण्यात आली होती.
दि.9 नोव्हेंबर 2022 रोजी आ.अजित पवार यांच्या सूचनेनुसार राष्ट्रवादी कॉंग्रेस पक्षाचे तालुकाध्यक्ष संभाजी होळकर यांनी चेअरमन पदासाठी दत्तात्रय रामभाऊ आवाळे (रा.सावळ) यांची तर व्हाईस चेअरमनपदी बाळासाहेब चंदरराव मोरे (रा.अंजनगाव) यांच्या नावाची घोषणा या बैठकीमध्ये केली. सदरच्या निवडणुकीसाठी दोन पदासाठी दोनच फॉर्म आल्यामुळे सदरची निवडणूक बिनविरोध झाली. यावेळी नवनिर्वाचित चेअरमन व व्हा.चेअरमन यांचे स्वागत पुष्पगुच्छ देऊन स्वागत करण्यात आले.
याप्रसंगी संदीप जगताप, धनवान वदक, तानाजीराव खोमणे, दशरथ धुमाळ इ. मान्यवर उपस्थित होते.