अशोक घोडके यांजकडून…
इंदापूर(प्रतिनिधी): येथील कै.अजित देविदास ढवळे पवार यांच्या सहाव्या पुण्यस्मरणानिमित्त विविध समाजोपयोगी कार्यक्रम राबवून विविध कामांचे लोकार्पण मा.राज्यमंत्री आ.दत्तात्रय भरणे यांच्या शुभहस्ते करण्यात आले.
राष्ट्रवादी कॉंग्रेस इंदापूर शहर अध्यक्ष बाळासाहेब ढवळे – पवार व अजित फौंडेशन यांच्या संयुक्त विद्यमानाने या कार्यक्रमाचे आयोजन करण्यात आले हेाते. यावेळी राष्ट्रवादी कॉंग्रेस पार्टीचे जिल्हाध्यक्ष प्रदीप गारटकर प्रमुख उपस्थितीत होते.
इंदापूर शहरातील श्रीराम चौक ते ब्रिज पर्यंत वृक्षारोपण व सुशोभीकरण करण्यात आले. शिवाजीनगर येथील दत्त मंदिर समोर पेव्हर ब्लॉक बसविणे, श्रीराम चौक येथे ज्येष्ठ नागरिकांसाठी बेंच लोकार्पण सोहळा. शिवाजीनगर, राजीवलीनगर , शाहूनगर , मार्केट तालीम येथे बेंच बसविणे तसेच श्रावण बाळ अनाथ आश्रम येथील मुलांना थंडीपासून संरक्षणासाठी जर्किनचे वाटप आ.दत्तात्रय भरणे व प्रदीप गारटकर यांच्या शुभहस्ते करण्यात आले.
यावेळी आमदार दत्तात्रय भरणे म्हणाले की, शहराध्यक्ष बाळासाहेब ढवळे हे नेहमी सामाजिक कार्यामध्ये अग्रेसर असतात. त्यांनी हा अत्यंत स्तुत्य उपक्रम राबविला आहे. कै. अजित ढवळे यांच्या अपघाती निधनाने एक ढवळे कुटुंबातील तरुण मुलगा गमावल्याने ढवळे कुटुंब तसेच इंदापूर शहरातील सर्व नागरिकांवर दुःखाचा डोंगर कोसळला होता. अजित हा अत्यंत होतकरू आणि हुशार तरुण सहकारी होता त्याचाच पावलावर पाऊल ठेवून बाळासाहेब यांनी आपला परिसर स्वच्छ ठेवणे, वृक्ष लागवड करणे, सुशोभीकरण करणे व ज्येष्ठ नागरिकांसाठी विरंगुळा म्हणून बेंच आधी गोष्टींसाठी स्वखर्चातून या कामासाठी हातभार लावलेला आहे.
यावेळी इंदापूर शहरातील प्रत्येक वार्डमध्ये सर्वांगीण विकास करण्यासाठी राष्ट्रवादी कॉंग्रेस पार्टी सक्षम असून इंदापूर शहराचा कायापालट तसेच चौका चौकात सुशोभीकरण करण्याचे काम आमदार दत्तात्रय भरणे यांच्या माध्यमातून झाले आहे असे प्रदीप गारटकर यांनी सांगितले.