बारामती(वार्ताहर): लोकनेते स्व.मारूतराव जाधव यांच्या 102 व्या जयंती निमित्ताने रक्तदान शिबीर व वृक्षारोपण कार्यक्रमाचे आयोजन लोकनेते मारूतराव जाधव प्रतिष्ठान बारामती यांच्या वतीने घेण्यात आले होते.
या शिबीराचे उद्घाटन राष्ट्रवादी कॉंग्रेस पक्षाचे बारामती शहराध्यक्ष इम्तियाज शिकीलकर व बारामती बँकेचे चेअरमन सचिन सातव यांच्या शुभहस्ते करण्यात आले. यावेळी माजी नगरसेवक अनिल गायकवाड, कॉंग्रेसचे शहराध्यक्ष अशोकराव इंगुले, मेडिकल असोसिएशनचे अध्यक्ष राहुल इंगुले, सामाजिक कार्यकर्ते मोहन पंजाबी, महेश गायकवाड, निवृत्त पोलीस अधिकारी आबा जाधव इ. मान्यवर उपस्थित होते. माणिकबाई सराफ ब्लड बँकेत सकाळी रक्तदान करण्यात आले. तसेच कार्य हीच ओळख फाऊंडेशनचे संस्थापक अध्यक्ष समीर बनकर यांच्या विविध संकल्पनेतून साकारलेल्या वृक्षारोपणाच्या ठिकाणी वृक्षारोपण करण्यात आले. दरवर्षी हा उपक्रम राणी जाधव राबवित आलेल्या आहेत. सर्व पाहुण्यांचे स्वागत राणी जाधव व जाधव परिवाराच्या वतीने करण्यात आले.