बारामती(वार्ताहर): शासकीय वैद्यकीय महाविद्यालय व सर्वोपचार रुग्णालय बारामती येथे जागतीक रक्तदाता दिन मोठ्या उत्साहात विविध उपक्रमांनी साजरा करण्यात आला.
जागतिक रक्तदाता दिन दरवर्षी एका नव्या घोषवाक्यावर जागतिक रक्तदाता दिवस साजरा केला जातो. त्यानुसार यंदाचे घोषवाक्य रक्तदान करणे हे एक जुटीचे कार्य आहे या प्रयत्नांमध्ये सामिल व्हा आणि जीव वाचवा.
दिवशी शरीरविकृतीशास्त्र विभाग शासकीय वैद्यकीय महाविद्यालय, बारामती यांच्या वतीने विविध कार्यक्रमांचे आयोजन केले होते. त्यामध्ये प्रभातफेरी, रक्तदान शिबिर व विद्यार्थी यांनी पथनाटय सादर करण्यात आले. तसेच सर्व अधिकारी, कर्मचारी विद्यार्थी यांनी रक्तदाना विषयी प्रतिज्ञा घेतली पथनाट्य मध्ये रुग्ण व रुग्णांचे नातेवाईक यांनीही सहभाग घेतला. पथनाटयाव्दारे विद्यार्थीनी रक्तदानाच्या महत्त्वा बद्दल जन जागृती करून सर्वांना स्वेच्छेने रक्तदान करण्याचे आवाहन केले. रक्तसंकलन येथी इंडियन रेड क्रॉस सोसायटी संचलित लेट माणिकबाई चंदुलाल सराफ ब्लड बँक बारामती यांनी केले यावेळी 56 रक्तदात्यांनी उत्फूर्तपणे रक्तदान केले.
या कार्यक्रमाचे उदघाटन उपमुख्यमंत्री यांचे विशेष कार्य अधिकारी हनुमंतराव पाटील, व वैद्यकीय महाविद्यालयाचे अधिष्ठाता डॉ. चंद्रकांत म्हस्के, यांच्या हस्ते झाले. या वेळी स्थायी समिती सदस्य पत्रकार मिलींद संगई, सातपुते, उप अधिष्ठाता डॉ. विवेक सहस्त्रबुद्धे, वैद्यकीय अधिक्षक डॉ. अमोल शिंदे आदी तसेच शरीरविकृतीशास्त्र विभाग प्रमुख व कार्यक्रमाच्या आयोजिका डॉ. शारदा राणे, सहयोगी प्राध्यापिका डॉ. मीनल शिंगाडे, उपस्थित होत्या. प्रमुख उपस्थिती होत्या. कार्यक्रमाचे सूत्रसंचालन सहायोगी प्राध्यापक, डॉ. मंगेश सागळे यांनी केले व आभार प्रदर्शन सहाय्यक प्राध्यापिका डॉ. वर्षा वाघ यांनी केले.