बारामती(वार्ताहर): येथील श्री काशिविश्वेश्वर विविध कार्यकारी सहकारी सोसायटी बारामतीच्या चेअरमनपदी विजय कोंडीराम झगडे तर व्हा.चेअरमनपदी बाळासोा विश्र्वनाथ गायकवाड यांची बिनविरोध निवड झाल्याची माहिती निवडणूक निर्णय अधिकारी मिलिंद टांकसाळे यांनी दिली.
श्री काशिविश्वेश्वर सोसायटीची निवडणूक नुकतीच बिनविरोध झाली होती. चेअरमन व व्हा.चेअरमन पदासाठी झगडे व गायकवाड यांचे एकमेव अर्ज दाखल झाल्याने त्यांची निवड करण्यात आली. नवनिर्वाचित सदस्य महादेव फडतरे, प्रदीप जाधव, अनिल जामदार, अश्र्विनकुमार सातव, भूषण ढवाण, दत्तात्रय ढवाण, सोपान बोरावके, संदीप पवार, शिवाजी कांबळे, श्रीमती नलिनी साळुंके, सौ.जुलैखा काझी, संस्थेचे सचिव विजय शिंदे, प्रतापसिंह घाडगे यांनी निवडणूक प्रक्रियेसाठी सहकार्य केले. या निवडणूक प्रक्रियेसाठी बारामती तालुका राष्ट्रवादी कॉंग्रेसचे अध्यक्ष संभाजी होळकर उपस्थित होते.