अशोक घोडके यांजकडून…
इंदापूर(वार्ताहर): इंदापूर तालुका वकील संघटना सन 2022-23 च्या नवनिर्वाचित पदाधिकार्यांचा माजी मंत्री हर्षवर्धन पाटील यांच्या शुभहस्ते सत्कार करण्यात आला.
अध्यक्षपदी ऍड.मनोहर चौधरी, उपाध्यक्षपदी ऍड.जमीर मुलाणी, ऍड.सुभाष भोंग, सचिवपदी – ऍड.अशितोष भोसले, खजिनदारपदी ऍड.राजेंद्र ठवरे, सदस्यपदी ऍड.रुद्राक्ष मेणसे याची बिनविरोध निवड झाली.
या निवडीचे औचित्य साधुन इंदापूर येथील भाग्यश्री बंगलो याठिकाणी राज्याचे माजी मंत्री व भाजप नेते हर्षवर्धन पाटील यांच्या हस्ते या नूतन पदाधिकार्यांचा सत्कार करण्यात आला व त्यांच्या पुढील वाटचालीसाठी हर्षवर्धन पाटील यांनी त्यांना शुभेच्छा दिल्या. यावेळी संघटनेचे पदाधिकारी आणि माजी मंत्री हर्षवर्धन पाटील यांनी विविध विषयावर संवाद साधला.