अशोक घोडके यांजकडून…
इंदापूर(वार्ताहर): इंदापूरचे वैद्यकीय अधीक्षक डॉ.सुहास शेळके ओजस नावाचे कान, नाक, घसा हे हॉस्पिटल स्वतःच्या नावाने चालवत असल्याची तक्रार सामाजिक कार्यकर्ते दत्तात्रय मिसाळ यांनी एक महिन्यापूर्वी देवूनही जिल्हा शल्य चिकित्सक डॉ.नांदापूरकर यांच्याकडे करूनही कोणतीही कारवाई होत नसल्याने पुण्याचे उपसंचालक आरोग्य विभाग कार्यालयासमोर अमरण उपोषणाला बसण्याचा इशाराही त्यांनी दिला आहे.
डॉ.शेळके यांना शासकीय उपजिल्हा रुग्णालयात वेळ देता येत नसून ते सतत गैरहजर असतात याबाबतची तक्रार जिल्हा शल्यचिकित्सक डॉ. नांदापूरकर यांना दि. 25 नोव्हेंबर 2021 रोजी दिली आहे.
दरम्यान इंदापूर येथील उपजिल्हा रुग्णालयात मानवी अवयव विल्हेवाट उघड्यावर होत असल्याचे उघडकीस आल्यानंतर वरिष्ठ पातळीवरून चौकशी साठी डॉ.संजीव कदम उपसंचालक आरोग्य विभाग पुणे, डॉ.अशोक नांदापूरकर जिल्हा शल्यचिकित्सक पुणे आले असता, पत्रकार परिषदेत डॉ.नांदापूरकर यांनी सदर प्रकार अमानवीय व किळसवाणा असून यात कोणी दोषी आहे त्यांच्यावर कठोर कार्यवाही करण्याचे आश्वासन दिले होते. त्याचबरोबर सरकारी रुग्णालयात नोकरीस असणार्‍या डॉक्टरांना त्यांचे खाजगी रुग्णालय चालवता येणार नाही असे स्पष्ट केले होते. आणि असे कुणी करत असेल तर त्यांच्यावर कठोर कारवाई करण्याचे आश्वासनही दिले होते. व आज पर्यंत सांगितले होते.
परंतु एक महिन्यापूर्वीच डॉ. शेळके यांच्या बाबत तक्रारी अर्ज दाखल असतानादेखील कार्यवाही न करता चुकीची माहिती देऊन पत्रकारांची फसवणूक केली आहे. यावरून असे लक्षात येते की डॉ.शेळके व डॉ. नांदापूरकर यांचे आर्थिक हितसंबंध असून त्यामुळे डॉ.नांदापूरकर हे डॉ. शेळके यांच्यावर ती कोणतेही कारवाई करत नाहीत. असा स्पष्ट आरोप सामाजिक कार्यकर्ते दत्तात्रय मिसाळ यांनी केला आहे. डॉ. नांदापूरकर यांनी अर्जाची दखल घेऊन कार्यवाही केली असती तर इंदापूर उपजिल्हा रुग्णालयातील हा किळसवाणा प्रकार घडला नसता.
या सर्व प्रकारात डॉ.शेळके यांना दोषी धरुन डॉ.नांदापूरकर यांनी त्यांच्यावर कार्यवाही केली नाही म्हणून त्यांची चौकशी करून त्यांचे वैद्यकीय परवाने रद्द करण्याची मागणी मिसाळ यांनी केली आहे. 15 दिवसाच्या आत चौकशी करून परवाने रद्द न केल्यास आमरण उपोषणास बसणार असल्याचेही त्यांनी सांगितले आहे.