माळेगाव(वार्ताहर): शिवनगर विद्या प्रसारक मंडळाच्या माळेगाव अभियांत्रिकी महाविद्यालय हे सावित्रीबाई फुले पुणे विद्यापीठातील नामांकित महाविद्यालय असून चालू शैक्षणिक वर्षांमध्ये पुणे जिल्हा ग्रामीण भागामधील सर्वाधीक प्लेसमेंट देणारे महाविद्यालय म्हणून नावलौकिक मिळालेला आहे. मागील दोन वर्षांमध्ये 600 पेक्षा अधिक विद्यार्थ्यांना विविध राष्ट्रीय व आंतरराष्ट्रीय कंपन्यांमध्ये महाविद्यालयामार्फत नोकरीची संधी मिळालेली आहे. विद्यार्थ्यांच्या सर्वांगीण विकासासाठी नेहमीच नव-नवीन क्रियाशील उपक्रम राबवण्यासाठी माळेगाव अभियांत्रिकी महाविद्यालय नेहमीच अग्रेसर असते. याचाच परिपाक म्हणून महाविद्यालयातील 09 विद्यार्थ्यांची आयटी क्षेत्रात अग्रेसर असणार्‍या झेनसॉफ्टमध्ये निवड झाली असल्याची माहिती महाविद्यालयाचे प्राचार्य डॉ.एस.एम. मुकणे यांनी दिली.
विद्यार्थ्यांच्या निवडीची प्रक्रिया प अँप्टीट्यूड टेस्ट ,प्रोग्रामिंग टेस्ट व पर्सनल इंटरव्ह्यू या तीन स्तरांवर मूल्यांकन करून संपन्न झाली.या निवड प्रक्रियेत एकूण 9 विद्यार्थ्यां यशस्वी झाले. महाविद्यालयातील प्रथमेश शिंदे, सुभाना कारचे, रोहित पवार, ओंकार घाटगे, कृष्णा कुलथे, ऋतुजा काशीद, तेजस खामकर, राजवर्धन खलाटे, आशिष दुधे या विद्यार्थ्यांच्या निवडीमध्ये समावेश झाला. निवड झालेल्या विद्यार्थ्यांना वार्षिक 3.75 लाखांपर्यंत वेतन कंपनीतर्फे देण्यात येणार आहे. सर्व क्षेत्रात यशस्वी असणारे उत्कृष्ट विद्यार्थी घडविण्यासाठी माळेगाव अभियांत्रिकी महाविद्यालयाचा लौकिक आहे.विद्यार्थ्यांना शैक्षणिक ज्ञानाबरोबरच रोजगारक्षम बनवणारे कौशल्य विकसित करण्यासाठी माळेगाव अभियांत्रिकी महाविद्यालयांमध्ये विविध विषयांवर आधारित कार्यशाळांचे तसेच विविध वेबिनार मालिकांचे महाविद्यालया मार्फत आयोजन करण्यात येत असल्याची माहिती महाविद्यालयाचे ट्रेनिंग प्लेसमेंट अधिकारी डॉ. माधव राउळ यांनी दिली.निवड झालेल्या विद्यार्थ्यांचे शिवनगर विद्या प्रसारक मंडळाचे उपाध्यक्ष व माळेगाव सहकारी साखर कारखान्यांचे अध्यक्ष बाळासाहेब तावरे, कारखान्याचे उपाध्यक्ष श्री. तानाजी कोकरे, संचालक मंडळ, विश्वस्त श्री.वसंतराव तावरे, अनिल जगताप, महेंद्र तावरे , रामदास आटोळे , गणपत देवकाते, रवींद्र थोरात, सौ. सीमा जाधव , चैत्राली गावडे व संस्थेचे सचिव प्रमोद शिंदे यांनी अभिनंदन केले.