बारामती(वार्ताहर): शरीरावर दुष्परिणाम करणारे इंजेक्शनबाबत माहिती असताना युवकांना पिळदार शरीर बनविण्यासाठी इंजेक्शन विक्री करणारा कसब्यातील प्रदीप सुरेश सातव यास मिळालेल्या माहितीवरून बारामती शहर पोलीसांनी सापळा रचून पकडण्यात आले.
सदर आरोपी प्रदीप सातव याच्यावर बारामती शहर पोलीस स्टेशन गु.र.नं.613/2021 भा.दं.वि. कलम 175,276,328,336 प्रमाणे गुन्हा दाखल केला आहे.
याबाबत सविस्तर माहिती अशी की, प्रदिप सातव हा जिम करणारे लोकांना शरीर पिळदार होते असे सांगून इंजेक्शनची विक्री करत असलेची माहिती मिळालेवरून सदर माहितीचे आधारे सापळा रचून ताब्यात घेण्यात आले. सदर इसमाकडून दोनशे अडुसष्ठ रूपये प्रमाणे 20 बॉटल्स अंदाजे 5 हजार 360 रूपये किंमतीचे तसेच एक काळे रंगाची ह्युंदाई कंपनी क्रेटा गाडी क्र. एम.एच.02 डी.झेड.7286 किंमत अंदाजे 9,00,000 /- रु. असा एकुण 9,85,360/- रु किंमतीचा मुददेमाल जप्त केला आहे.
सदर इसमाच्या गाडीची झडती घेतली असता एकुण 20 इंजेक्शन बॉटल मिळुन आले आहेत. सर्जरी केलेनंतर रक्त पुरवठा नियंत्रित करण्यासाठी व दुखवटा कमी करणेसाठी सदर इंजेक्शनचा वापर केला जातो. परंतु त्याचा वापर जास्त शारीरिक परिश्रम केलेनंतर सुस्ती न येणेसाठी केला जातो सदरचे औषध हे शरिरावर दुष्परिणाम करणारे असलेचे औषध निरीक्षक यांनी सांगितले. सदरची औषधे ही कोणत्याही डॉक्टरच्या सल्ल्याने घेतली जात नसुन ते बारामतीमधील जिमला विकले जात असलेने तात्काळ औषध निरीक्षक यांना बोलावून सदर औषधे ही पोलीस व औषध निरीक्षक प्रशासनाने जप्त केली आहेत.
आजकाल तरुण पिढीमध्ये शरीर बनवण्यासाठी काहीही करावयाची त्यांची तयारी असते. मग डॉक्टरांचे सल्ल्याशिवाय सप्लिमेंट घेणे, काही इंजेक्शन घेणे प्रकार केले जातात. परंतु याचा दुष्परिणाम हा शरीरावर होत असतो. चित्रपट व टेलिव्हिजनमधील हिरोसारखे दिसणारे शरीर बनवण्याचा प्रयत्न होतो परंतु त्यामुळे शरीराची खुप मोठया प्रमाणावर हानी होत असते. मध्यंतरी काही बॉडीबिल्डर लोकांचा जिसमध्ये व्यायाम करताना मृत्यु झाल्याच्या घटना सुदधा वर्तमानपत्रामध्ये आपण वाचल्या आहेत आणि त्याचे लोन आता ग्रामीण भागात सुदधा पसरत आहे.
शरीर नैसर्गिकरित्या कमवा कुठल्याही प्रकारचे इंजेक्शन किंवा सप्लीमेंट डॉक्टरांच्या सल्ल्याशिवाय घेवु नका त्याचे दुष्परिणाम शरीरावर होतात. इंजेक्शनामुळे शरीर जरी देखणे दिसत असले तरी ते आतुन स्नायू कमकुवत करत असते असेही आवाहन करण्यात आले आहे.
प्रदीप सातव याने सदर औषध कोठून आणली व अजून कोणा-कोणाली विकली आहे याचा पुढील तपास पोसई गणेश पाटील हे करीत आहेत.
सदरची कारवाई पोलीस अधिक्षक डॉ.अभिनव देशमुख, अपर पोलीस अधिक्षक मिलिंद मोहिते, उपविभागीय पोलीस अधिकारी बारामती गणेश इंगळे यांचे मार्गदर्शनाखाली पोलीस निरीक्षक सुनिल महाडिक, पोसई गणेश पाटील, पोसई युवराज घोडके, सफौ.संजय जगदाळे, पोहवा रामचंद्र छिदे, पोहवा अभिजित कांबळे, पोना दशरथ कोळेकर, पोकॉ.बंडू कोठे, पोकॉ.अजित राउत, पोकॉ.दशरथ इंगोले, पोका सविलन कोकणे,पोकॉ मनोज पवार यांनी केली आहे.