वतन की लकीर (ऑनलाईन): राज्यात गणेशोत्सवाच्या पूर्वसंध्येलाही दैनंदिन रुग्णसंख्या वाढलेली दिसत आहे. सक्रिय रुग्णसंख्या देखील हजारांवर गेली आहे. हे पाहता आजची स्थिती तुलनेने चिंताजनक आहे.
तालुकास्तरावर मोठ्या प्रमाणात 15 हजार डोस कोविशिल्ड लस उपलब्ध झाली आहे.त्यामुळे उद्या दि.11 सप्टेंबर 2021 रोजी सर्व प्राथमिक आरोग्य केंद्र, आरोग्य उपकेंद्र व मोठ्या गावांमध्ये व शहरातील लसीकरण केंद्रांवर लसीकरण सत्रांचे आयोजन करण्यात येईल. सदर लसीचा वापर 18 वर्षे वयोगटापुढील सर्व लाभार्थ्यांच्या पहिल्या व दुसर्‍या डोस साठी करण्यात येईल, लस संपेपर्यंत लसीकरण सत्र सुरू राहतील, कृपया नागरिकांनी लसीकरण सत्राचे ठिकाणी गर्दी करू नये अशी विनंतीही डॉ.मनोज खोमणे यांनी केली आहे.
बारामतीत दि.09 सप्टेंबर 2021 रोजी दिवसभरात बारामती शहरातून 20 तर ग्रामीण भागातून 31 रुग्ण असे मिळून 51 कोरोना बाधित रुग्ण संख्या आढळून आले आहेत.
काल बारामतीत 318 जणांचे आरटी-पीसीआर नमुने घेण्यात आले होते त्यापैकी 31 रूग्ण पॉझिटिव्ह आढळून आले आहेत. एकही रुग्ण प्रतिक्षेत नाही. इतर तालुक्यात 12 रूग्ण पॉझिटिव्ह आढळून आले आहेत.
काल खाजगी प्रयोगशाळेत 76 रूग्णांची आरटी-पीसीआर तपासणी केली असता 06 रूग्ण पॉझिटिव्ह आढळून आले आहेत.
919 रुग्णांची ऍन्टीजन तपासणी करण्यात आली यामध्ये 14 रुग्ण पॉझिटिव्ह आढळुन आले आहे.
म्युकर मायकॉसिसचे एकुण 40 रूग्णांपैकी बारामती तालुक्यातील 31 तर इतर तालुक्यातील 09 रूग्ण आहेत. यापैकी उपचार घेणारे 04 रूग्ण आहेत.
काल दिवसभरात बारामतीत एकूण 51 रुग्ण पॉझिटिव्ह आढळून आले आहेत. बारामतीत 29 हजार 213 रुग्ण असून, बरे झालेले 28 हजार 365 आहे. आज डिस्चार्ज 71 असुन, आतापर्यंत मृत्यू झालेले 733 असल्याचे तालुका आरोग्य अधिकारी डॉ.मनोज खोमणे यांनी कळविले आहे.
संपूर्ण जगभरात 21 कोटी 94 लाख 56 हजार 675 एकुण रूग्ण असुन मृतांची संख्या 45 लाख 47 हजार 782 आहे. प्रति एक दशलक्ष लोकांमागील रूग्ण संख्या 28 हजार 223 आहे.
भारतात 3 कोटी 31 लाख 74 हजार 954 एकुण रूग्ण असुन मृतांची संख्या 4 लाख 42 हजार 009 आहे. प्रति एक दशलक्ष लोकांमागील रूग्ण संख्या 24 हजार 384 आहे. एका दिवसात भारतात 34 हजार 973 रूग्ण सापडतात.
तर महाराष्ट्रात एकुण रूग्ण 64 लाख 97 हजार 872 असुन मृतांची संख्या 1 लाख 38 हजार 017 आहे. प्रति एक दशलक्ष लोकांमागील रूग्ण संख्या 56 हजार 907 आहे.