वतन की लकीर (ऑनलाईन): देशभरात कोरोना बाधितांची संख्या घटत असली तरी काही राज्यांमध्ये अजुनही कोरानाचा फैलाव होतच आहे. यामध्ये केरळ व महाराष्ट्राचा समावेश आहे. या राज्यांमध्ये 50 टक्क्यांपेक्षा जास्त रूग्ण आढळत आहेत. देशाचा रिकव्हरी रेट 97.3 आहे.
बारामतीत दि.13 जुलै 2021 रोजी दिवसभरात बारामती शहरातून 16 तर ग्रामीण भागातून 52 रुग्ण असे मिळून 68 कोरोना बाधित रुग्ण संख्या आढळून आले आहेत.
काल बारामतीत 258 जणांचे आरटी-पीसीआर नमुने घेण्यात आले होते त्यापैकी 25 रूग्ण पॉझिटिव्ह आढळून आले आहेत. एकही रुग्ण प्रतिक्षेत नसून, इतर तालुक्यात 06 रूग्ण पॉझिटीव्ह आढळून आले आहेत. काल खाजगी प्रयोगशाळेत 53 रूग्णांची आरटी-पीसीआर तपासणी केली असता 03 रूग्ण पॉझिटिव्ह आढळून आले आहेत. 743 रुग्णांची ऍन्टीजन तपासणी करण्यात आली यामध्ये 40 रुग्ण पॉझिटिव्ह आढळुन आला आहे. म्युकर मायकॉसिसचे एकुण 39 रूग्णांपैकी बारामती तालुक्यातील 31 तर इतर तालुक्यातील 08 रूग्ण आहेत. यापैकी उपचार घेणारे 05 रूग्ण आहेत.
काल दिवसभरात बारामतीत एकूण 68 रुग्ण पॉझिटिव्ह आढळून आले आहेत. बारामतीत 26 हजार 105 रुग्ण असून, बरे झालेले 25 हजार 129 आहे. आज डिस्चार्ज 35 असुन, आतापर्यंत मृत्यू झालेले 668 असल्याचे तालुका आरोग्य अधिकारी डॉ.मनोज खोमणे यांनी कळविले आहे.