वतन की लकीर (ऑनलाईन): राज्यात गेल्या 24 तासात तब्बल 8 हजार 702 नवे रूग्ण वाढल्याने सरकार आणि प्रशासनाला विचार करण्याची वेळ आली आहे. कोरोनाने राज्यात पुन्हा थैमान घालण्यास सुरूवात केली आहे. अकोला, अमरावती, यवतमाळ, पुणे, मुंबई, नागपूर या शहरांमध्ये जास्तीचे रूग्ण सापडत आहेत. बारामतीत बाजारपेठांमध्ये आणि मॉल्समध्ये येणार्‍या नागरीकांकडून नियमांचे भंग होत आहे यामुळे शहरात रूग्णवाढ होत असल्याचे दिसत आहे.
बारामतीत दि. 25 फेब्रुवारी 2021 रोजी दिवसभरात बारामती शहरातून 15 तर ग्रामीण भागातून 15 रुग्ण असे मिळून 30 कोरोना बाधित रुग्ण संख्या आढळून आले आहेत.
काल 177 जणांचे आरटी-पीसीआर नमुने घेण्यात आले होते त्यापैकी 10 रूग्ण पॉझिटिव्ह आढळून आले आहेत. एकही रुग्ण प्रतिक्षेत नसून, इतर तालुक्यात 06 रूग्ण पॉझिटीव्ह आढळून आले आहेत. 33 रुग्णांची ऍन्टीजन तपासणी करण्यात आली यामध्ये 07 रुग्ण पॉझिटिव्ह आढळुन आला आहे.
शहरातील काल दिवसभरात बारामतीत एकूण 30 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 6 हजार 706 रुग्ण असून, बरे झालेले 6 हजार 290 आहे तर मृत्यू झालेले एकशे पंच्चेचाळीस आहेत.
काल तालुक्यामध्ये खाजगी प्रयोगशाळेत आरटी-पीसीआर 27 जणांचे नमुने घेण्यात आले त्यापैकी 13 रुग्ण पॉझिटिव्ह आढळुन आले आहेत.