बारामती(वार्ताहर): कोणत्याही खेळातून यश मिळवून देशाला सुवर्ण पदक मिळवून देणारच ही जिद्द व उद्देश डोळ्यासमोर ठेवल्यास व दिखाऊ पेक्षा टिकाऊ बना असा सल्ला भारत श्री विजेते व वर्ल्ड चॅम्पियन बॉडी बिल्डिंग सुवर्णपदक विजेते महेंद्र चव्हाण यांनी दिला आहे.
ऑल इंडिया स्पोर्ट्स फेडरेशन,अखिल भारतीय खेल महासंघ यांच्या वतीने विविध क्षेत्रातील खेळाडूचा सत्कार व विविध खेळात यशस्वी झालेल्या मान्यवर खेळाडूंचे मार्गदर्शन आयोजित करण्यात आले होते या वेळी महेंद्र चव्हाण मार्गदर्शन करीत होते.
या प्रसंगी 3 वेळा आर्यनमॅन झालेले सतीश ननवरे, अभिनेत्री कल्याणी चौधरी, खेल महासंघाचे समनव्यक युसूफ मलिक, खेल महासंघाचे महाराष्ट्र युनिट हेड आशिष डोईफोडे, प्रशांत भागवत, आप्पसाहेब देवकाते, शुभम इंगवले, ओंकार खुडे, विशाल हडबंर, सोमनाथ भोसले, सत्यम आवाळे, तुषार आवाळे, दादा अहिवळे, कमलेश परदेशी, दीपाली मदने, शिवांजली पवार, अकांक्षा मारकड, आप्पासाहेब मारकड, वैजीनाथ गावडे आदी मान्यवर उपस्थीत होते.
सराव, आहार व व्यवसनमुक्त राहिल्यास यश नक्की मिळते असा सल्ला आयरमॅन सतीश ननवरे यांनी दिला.
मोबाइल, कॉम्पुटर व टीव्ही चा वापर योग्य कामासाठी फक्त काही ठराविक वेळेत करा मैदानी खेळ जास्त खेळा जिद्द, चिकाटी व आत्मविश्वासच्या जोरावर भारताला कोणत्याही खेळात पदक जिंकून द्या अशी मागणी अभिनेत्री कल्याणी चौधरी यांनी दिली.
खेळाडूंना हक्काचे व्यासपीठ व मैदान प्राप्त करून देण्यासाठी व खेळाडूंना प्रोत्साहीत करण्यासाठी खेळाडूचा खेल महासंघाच्या वतीने सन्मान करीत असल्याचे आयोजक आशिष डोईफोडे यांनी सांगितले. आभार प्रदर्शन व सूत्रसंचालन आनिल सावळेपाटील यांनी मानले.