बारामती(वार्ताहर): दिल्ली येथे सुरू असलेल्या शेतकरी आंदोलनाला पाठिंबा देण्यासाठी शाहीन बागच्या धर्तीवर किसानबाग ह्या बाळासाहेब आंबेडकरांनी केलेल्या आव्हानाला प्रतिसाद देत बारामतीतील दलीत-मुस्लिम युवकांची आज बारामती शहरातील डॉ.बाबासाहेब आंबेडकर पुतळा स्मारक येथे प्राथमिक बैठक घेण्यात आली त्यामध्ये एकमताने सर्व युवकांनी शेतकरी आंदोलनाला पाठिंबा देण्याचे ठरवले.
बाळासाहेबांनी 27 जानेवारी रोजी मुस्लीम समाज तालुका, जिल्हा व शहर पातळीवर संविधानाची प्रत हातात घेऊन दिवसभर धरणे आंदोलन करेल या धर्तीवर सर्व युवक पाठिंबा दर्शविणार आहेत.
तसेच ब्ल्यू पँथर सामाजिक विकास प्रतिष्ठान आणि मकसद युथ फाऊंडेशन ह्या दोन्ही संघटना आणि बारामतीतील युवक 2021 ला होणार्‍या निवडणुकीत कोणत्या भूमिकेत असणार, अतिक्रमित जागेवर राहणार्‍यांना नियमित करणे,300 चौ.मी.ची मिळणारी घरे यावर हरकती घेणे,बारामतीतील हातगाडे तसेच इतर व्यवसाय करणारे यांच्या वर नगरपालिका आणि पोलिस करत असलेल्या अन्यायावर कोणत्या प्रकारे काम झाले पाहिजे अशा विविध मुद्यांवर सकारात्मक चर्चा करण्यात आली.
सदर बैठकीचे नियोजन मंगलदास निकाळजे, अमीर शेख, अक्षय शेलार, मयुर कांबळे, अखिल बागवान यांनी केले. सदर बैठकीला मुस्तकीम आत्तार, अहमद शेख, अफसर बागवान, जाकिर बागवान, रोहित भोसले, विनय दामोदरे, सरफराज पठाण, विशाल शेलार, अनिस शेख, आकाश पोळके, गोरखदादा कांबळे इ.कार्यकर्ते प्रत्येक भागातून चर्चेमधे सहभागी झाले होते.