बारामती(वार्ताहर):- मोतीबाग चौक, इंदापूर रोड येथे नाकाबंदी नेमण्यात आली असता आरोपी नामे चैतन्य पांडूरंग शेळके (वय-19) व किशोर सहदेव पवार (वय-19, दोघे रा.मोत्रा, ता.परांडा, जि.उस्मानाबाद) यांना थांबवून कागदपत्रांची खातर जमा केली असता व समाधानकारक उत्तरे न दिल्याने अधिक चौकशी केली असता विविध गुन्हे केले असल्याबाबतची कबुली दिली.
याबाबत सविस्तर माहिती अशी की, बारामती शहर पोलीस स्टेशन हद्दीत मोटार सायकल चोरीचे वाढते प्रमाण पाहुन त्या अनुषंगाने पुणे ग्रामीणचे पोलीस अधिक्षक डॉ.अभिनव देशमुख यांचे सुचनेनुसार सर्व पोलीस स्टेशन हद्दीत गुन्हे उघडकीस आणण्याचे दृष्टीने सुचना देण्यात आल्या होत्या. त्याप्रमाणे बारामती शहर पोलीस स्टेशन हद्दीत मोतीबाग चौक इंदापुर रोड येथे नाकाबंदी नेमण्यात आली होती. त्या दरम्यान मोतीबाग चौक वरील दोन्ही आरोपी बुलेट मोटार सायकलवर संशयीत रित्या फिरताना पोलीस स्टाफ ने त्यांना थांबवुन बुलेट मोटार साकयलचे कागदपत्राबाबत खातर जाम केली असता त्यांनी समाधानकारक उत्तरे न दिल्याने त्यांना पोलीस स्टेशनला नेवून अधिक चौकशी केली असता त्यांनी त्यांचे जवळील बुलेट मोटार सायकल दि.24 डिसेंबर 2020 रोजी कसबा बारामती येथुन चोरी केले बाबत सांगितले. या आरोपींना आणखीन विश्र्वासात घेतले असता त्यांनी आष्टी पोलीस स्टेशन जि.बीड, बारामती तालुका पोलीस स्टेशन हद्दीतुन मोटार सायकल चोरल्याचे सांगितले त्या अनुशंगाने त्यांचेकडुन एकुण पाच मोटार सायकली हस्तगत करण्यात आल्या असुन बारामती शहर पोलीस स्टेशनचे 2 गुन्हे, बारामती तालुका पोलीस स्टेशनला 1 गुन्हा, आष्टी पोलीस स्टेशनला 1 गुन्हा, तसेच त्यामधील बजाज कंपनीचे पल्सर मोटारसायकलचा अधिक तपास चालु आहे अशा प्रकारे वरील मोटार सायकल बोरीचे गुन्हे उघडकीस आणाले असुन त्यांचेकडुन एकुण 4 लाख 35 हजार किंमतीचा मुद्देमाल हस्तगत करण्यात आला आहे.
सदरची कामगीरी पोलीस अधिक्षक डॉ.अभिनव देशमुख, अप्पर पोलीस अधिक्षक मिलींद मोहीते, उपविभागीय पोलीस अधिकारी नारायण शिरगावकर, पोलीस निरीक्षक नामदेवराव शिंदे यांचे मार्गदर्शनाखाली सहा.पोलीस निरीक्षक प्रकाश वाघमारे, सहा.पो.उपनिरीक्षक संजय जगदाळे, पोलीस हवा.अनिल सातपुते, भगवान दुधे, पोलीस नाईक दादासाहेब डोईफोडे, रूपेश साळुंके, पो.का. सुहास लाटणे, बंडु कोठे, योगेश कुलकर्णी, दशरथ इंगोले, अकबर शेख, अजित राऊत, होमगार्ड निलेश खामगळ, नवनाथ झगडे, अक्षय जगदाळे यांनी कामगिरी केली असुन सदर गुन्हयाचा तपास पोलीस नाईक ओंकार सिताप हे करीत आहेत.