वतन की लकीर (ऑनलाईन): स्वदेशी भारत बायोटेकच्या कोवॅक्सिन लशीच्या आपात्कालीन वापराला मंजुरी मिळाली ही एक आनंदाची बातमी सीरमच्या लशीला मिळालेल्या मंजुरीनंतर मिळाली आहे. त्यामुळे नवीन वर्षांच्या सुरुवातीला सलग दोन दिवस भारतीयांना दोन आनंदाच्या बातम्या मिळाल्या आहेत.
स्वदेशी भारत बायोटेक लशीच्या आपात्कालीन वापरासाठी मंजुरी देण्याबाबात तज्ज्ञांची बैठक पार पडली. भारत बायोटेकची लस पहिली लस आहे जी देशातील सर्वोच्य आरोग्य संस्था आयसीएमआरच्या सहयोगाने बनवली जात आहे. भारत बायोटेकला मंजुरी मिळाल्याने ती पहिली स्वदेशी कोविड लस ठरली आहे.
बारामतीत दि. 02 जानेवारी 2021 रोजी दिवसभरात बारामती शहरातून 07 तर ग्रामीण भागातून 05 रुग्ण असे मिळून 12 कोरोना बाधित रुग्ण संख्या आढळून आले आहेत.
काल 05 जणांचे आरटी-पीसीआर नमुने घेण्यात आले होते त्यापैकी एकही पॉझिटिव्ह आढळून आला नाही. एकही रुग्ण प्रतिक्षेत नसून, इतर तालुक्यात सुद्धा एकही रूग्ण पॉझिटीव्ह आढळून आला नाही. 10 रुग्णांची ऍन्टीजन तपासणी करण्यात आली यामध्ये 01 रुग्ण पॉझिटिव्ह आढळुन आले आहेत.
शहरातील काल दिवसभरात बारामतीत एकूण 12 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 5 हजार 854 रुग्ण असून, बरे झालेले 5 हजार 538 आहे तर मृत्यू झालेले एकशे अडोतीस आहेत.
काल तालुक्यामध्ये खाजगी प्रयोगशाळेत आरटी-पीसीआर 23 जणांचे नमुने घेण्यात आले त्यापैकी 11 रुग्ण पॉझिटिव्ह आढळुन आले आहेत.
कोरोनाचा संसर्ग रोखण्यासाठी नागरीकांनी सतत मास्कचा वापर करणे, सोशल डिस्टेसिंग, गर्दीत जाणे टाळणे गरजेचे आहे.