वतन की लकीर (ऑनलाईन): पुणे जिल्हयातील कोरोना बाधीत एकूण 3 लाख 62 हजार 979 रुग्णांपैकी 3 लाख 48 हजार 118 रुग्ण बरे होवून घरी गेले आहेत. ॲक्टीव रुग्ण 6 हजार 135आहे. कोरोनाबाधित एकूण 8 हजार 726 रुग्णांचा मृत्यू झाला आहे. मृत्यूचे प्रमाण 2.40 टक्के इतके आहे तर बरे होणा-या रुग्णांचे प्रमाण 95.91 टक्के आहे.
दि.01 जानेवारी रोजी दिवसभरात बारामती शहरातून 06 तर ग्रामीण भागातून 06 रुग्ण असे मिळून 12 कोरोना बाधित रुग्ण संख्या आढळून आले आहेत.
काल 102 जणांचे rt-pcr नमुने घेण्यात आले होते त्यापैकी 02 व्यक्ती पॉझिटिव्ह आढळुन आले आहेत. एकही रुग्ण प्रतिक्षेत व इतर तालुक्यात 03 रुग्ण आढळुन आले आहेत. 40 रुग्णांची अॅन्टीजन तपासणी करण्यात आली यामध्ये 05 रुग्ण पॉझिटिव्ह आढळुन आले आहेत.
काल दिवसभरात बारामतीत एकूण 12 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 5 हजार 815 रुग्ण असून, बरे झालेले 5 हजार 494 आहे तर मृत्यू झालेले एकशे अडोतीस आहेत.
काल तालुक्यामध्ये खाजगी रुग्णालयात rt-pcr 22 जणांचे नमुने घेण्यात आले त्यापैकी 05 रुग्ण पॉझिटिव्ह आढळुन आले आहेत.