बारामती(वार्ताहर): येथील विद्या प्रतिष्ठानचे कला विज्ञान व वाणिज्य महाविद्यालय, बी.बी.ए. (सी.ए.) विभाग आणि सावित्रीबाई फुले पुणे विद्यापीठ, विद्यार्थी विकास मंडळ यांच्या संयुक्त विद्यमाने फुल स्टॅक डेव्हलपमेंट ऑन अँगुलर जेस अँड नोड जेस या प्रोग्रामिंग भाषेमधील विषयावर दोन दिवसीय कार्यशाळा आयोजित करण्यात आली होती.
या कार्यशाळेच्या उद्घाटन प्रसंगी महाविद्यालयाचे प्राचार्य डॉ.भरत शिंदे, उपप्राचार्य डॉ.श्यामराव घाडगे, उपप्राचार्य लालासाहेब काशीद, विद्यार्थी कल्याण मंडळ अधिकारी डॉ.अमर भोसले, महेश पवार, किशोर ढाणे, गजानन जोशी, गौतम कुदळे, कार्यशाळेचे मार्गदर्शक रमेश हांडे, कॅपजेमिनी, टीम लीडर, पुणे उपस्थित होते.
डॉ. अमर भोसले सर यांनी आपले मनोगत व्यक्त करताना आयोजित केलेल्या कार्यशाळेचे महत्व सांगून विद्यार्थी विकास मंडळ बद्दल मार्गदर्शन केले. प्राचार्य डॉ. भरत शिंदे यांनी अशा कार्यशाळेमुळे विद्यार्थ्यांना प्रोग्रॅमिंगच्या ज्ञानात नक्कीच भर पडेल व तसेच भविष्यात विद्यार्थ्यांना याचा नक्कीच फायदा होईल याबाबत आपले मनोगत व्यक्त केले.
कार्यशाळे दरम्यान रमेश हांडे यांनी अँगुलर जेस अँड नोड जेस जावा स्क्रिप्ट फ्रेमवर्कची ओळख करून दिली, त्यानंतर त्यांची वैशिष्ट्ये आणि व्यावहारिक अनुप्रयोगांचे तपशीलवार स्पष्टीकरण देत प्रभावीपणे वापर कसा करायचा इ. संबंधी इतंभूत माहिती दिली.
या कार्यशाळेस विद्यार्थ्यांनी सहभाग नोंदवून प्रतिसाद दिला. विद्यार्थ्यांना या कार्यशाळेतून मिळालेली माहिती नाविन्यपूर्ण वाटली. कार्यशाळेच्या समन्वयक प्रा. पुनम गुंजवटे यांनी प्रमुख पाहुण्यांचा परिचय करून दिला. कार्यक्रमाच्या समारोप्रसंगी विद्यार्थ्यांनी आपले मनोगत व्यक्त करताना या कार्यशाळेमुळे त्यांच्या ज्ञानात नक्कीच भर पडली व विभागामार्फत अशा विविध कार्यशाळा आयोजित करावे अशी मत व्यक्त केले.
या कार्यशाळेचे औचित्य साधून विभागातर्फे व्हीपीज लॉजिटेक प्रोग्रामिंग क्लब विद्यार्थ्यांसाठी स्थापन करण्यात आला. सदर क्लबचे उद्घाटन मान्यवरांच्या हस्ते करण्यात आले. या क्लबचे समन्वयक म्हणून प्रा.अक्षय भोसले काम पाहतील.
कार्यक्रमाचे प्रास्ताविक विभाग प्रमुख महेश पवार यांनी केले. सूत्रसंचालन प्रा.सलमा शेख यांनी केले तर कार्यक्रमाच्या उद्घाटनाचे आभार विशाल शिंदे व कार्यक्रमाच्या समारोपाचे आभार अनिल काळोखे यांनी मानले.
कार्यशाळा यशस्वी होण्यासाठी अक्षय भोसले, अक्षय शिंदे, वैशाली पेंढारकर यांनी विशेष परिश्रम घेतले.