बारामती(वार्ताहर): राज्याचे उपमुख्यमंत्री ना.अजित पवार यांच्या संकल्पनेतुन ‘माझे कुटुंब, माझी जबाबदारी ही मोहिम बारामती शहरातील प्रत्येक नगरसेवकांनी प्रशासनाला सहकार्य करीत सक्षमपणे राबविली यामध्ये प्रभाग क्र.4 च्या नगरसेविका सौ. सौ.सुरेखा चौधर यांनीही पुढाकार घेत मोहिम राबवून जनजागृती केली.
रुई, बयाजीनगर, संत भगवान बाबा नगर, सिद्धिविनायकनगर, साईनगर इ. परिसरात सर्वेक्षण करण्यात आले. याप्रसंगी नगराध्यक्षा सौ.पौर्णिमा तावरे, तहसीलदार विजय पाटील, मुख्यधिकारी किरणराज यादव, ज्येष्ठ नगरसेवक किरण गुजर, स्थानिक नगरसेविका सौ.सुरेखा चौधर, विस्तार अधिकारी पी.एस.माकर, मंडल अधिकारी एस.पी.सय्यद, तलाठी प्रदीप चोरमले, महेश मेटे, गजानन पालवे, राष्ट्रवादीचे निष्ठावंत कार्यकर्ते पांडुरंग चौधर, नवनाथ चौधर, सुरज चौधर, अतुल कांबळे, गोरख चौधर, लक्ष्मण चौधर,बाळा चौधर, विशाल जगताप, लक्ष्मण चौधर, अक्षय घाटे, नितीन पानसरे, आबा खाडे इ.मान्यवर उपस्थीत होते.
सध्याच्या कोरोनाच्या संकटाच्या पार्श्वभुमीवर काळजी घेण्याचे आणि प्रशासनाला सहकार्य करण्याचे आवाहन करण्यात आले. शेवटी आभार नगरसेविका सौ.सुरेखा चौधर यांनी मानले. या मोहिमेत भैरवनाथ तरुण मंडळ, भैरवनाथ मित्र मंडळ, सिद्धिविनायक सेवा मंडळ यांनी या सर्वेक्षणात सहभाग घेत नागरीकांमध्ये जनजागृती केली.