बारामती(वार्ताहर): शहरी भागातील खेळाडूंना अत्याधुनिक मैदान उपलब्ध करून नविन ऊर्जा देवून सहकार्य व पाठिंबा देण्याचे कौतुकास्पद काम राष्ट्रवादी युवक कॉंग्रेसचे बारामती शहर अध्यक्ष अविनाश बांदल व राष्ट्रवादी युवकच्या टीमच्या माध्यमातून होत असल्याचे मत राष्ट्रवादी कॉंग्रेस पक्षाचे पुणे जिल्हा अध्यक्ष प्रदीप गारटकर यांनी व्यक्त केले.
राष्ट्रवादी कॉंग्रेस पक्षाच्या 24 व्या वर्धापन दिन व 25 व्या रौप्य महोस्तवी वर्षानिमित्त बारामती शहर राष्ट्रवादी युवकच्या वतीने राष्ट्रवादी युवक चषक 2023 कॉस्को बॉल टर्फ बॉक्स सामने चे आयोजन करण्यात आले होते. उदघाटन प्रसंगी श्री.गारटकर बोलत होते.
यावेळी राष्ट्रवादी कॉंग्रेसचे तालुकाध्यक्ष संभाजी होळकर, शहराध्यक्ष जय पाटील, तालुका महिलाध्यक्षा वनिता बनकर, शहर महिलाध्यक्षा अनिता गायकवाड, सेवादल अध्यक्ष धीरज लालबिगे, ओबीसी सेल अध्यक्षा द्वारका कारंडे, सामाजिक विभाग अध्यक्षा रेश्मा ढोबळे, अल्पसंख्यांक विभाग अध्यक्ष असिफ बागवान, महाराष्ट्र राज्य विध्यार्थी वाहतूक संघ कार्याध्यक्ष तानाजीराव बांदल, माजी उपनगराध्यक्ष अभिजित जाधव, माजी नगरसेवक जयसिंग देशमुख, सुधीर पानसरे, सोशल मीडिया जिल्हा उपाध्यक्ष अमोल कावळे, बारामती अध्यक्ष तुषार लोखंडे संघमालक प्रा.अजिनाथ चौधर, आदीत्य हिंगणे,ओंकार जाधव, परवेज सय्यद अभिजीत घाडगे, विशाल काळे आदी मान्यवर उपस्थित होते.
शहरी लोक वस्ती वाढत असताना सर्वांनाच मोठ्या मैदानाकडे जाता येत नाही त्याचप्रमाणे काम करून आल्यानंतर घरच्या घरी जवळ खेळण्यासाठी अशी मैदानी उपलब्ध होत आहेत दिवसा व रात्री खेळण्यासाठी अशी मैदाने उपलब्ध होत आहे या माध्यमातून नवीन खेळाडू निर्माण होतो व खेळण्याचे समाधान मिळते व सांघिक भावना व खिलाडू वृत्ती वाढते त्यामुळे बारामती नगर परिषदेतील प्रत्येक प्रभागातील खेळाडूंसाठी व युवक एकत्र येण्यासाठी अशा सामन्याचा आयोजन करण्यात आले असुन बारामती नगर परिषद प्रभागातील 25 संघानी यामध्ये सहभाग घेतला असल्याचे शहर राष्ट्रवादी चे अध्यक्ष अविनाशजी बांदल यांनी सांगितले.
शहर राष्ट्रवादीचा उपक्रम आदर्शवत असून या माध्यमातून खेळाडूंना एक नवीन प्रकारे सकारात्मक ऊर्जा मिळणार असल्याचे जय पाटील यांनी सांगितले.
खेळामुळे मानसिक व शारीरिक संतुलन राहते वाढत्या नागरिकीकरणांमध्ये असे सामने होणे गरज असल्याचे मत तालुकाध्यक्ष संभाजी होळकर यांनी व्यक्त केले.
याप्रसंगी जागा मालक शार्दूल शेळके आणि प्रायोजक आणि पत्रकार बांधवांचा सन्मान करण्यात आला. सूत्रसंचालन अनिल सावळेपाटील यांनी केले तर आभार चारुदत्त काळे यांनी मानले.