बारामती(प्रतिनिधी-अशोक घोडके): विद्यार्थ्यांच्या सुप्त कलागुणांचे सादरीकरण करण्याचे हक्काचं व्यासपीठ म्हणजे वार्षिक स्नेहसंमेलन असल्याचे प्रतिपादन माजी राज्यमंत्री आ.दत्तात्रय भरणे यांनी केले.
तालुका ग्रामविकास प्रतिष्ठाणचे विश्वासराव रणसिंग महाविद्यालय कळंब येथे वार्षिक स्नेहसंमेलन आयोजित करण्यात आले होते याचे उदघाटन इंदापूर तालुक्याचे आमदार माजी राज्यमंत्री दत्तात्रय भरणे यांच्या शुभहस्ते करण्यात आले.यावेळी आमदार भरणे म्हणाले की
आ.भरणे पुढे म्हणाले की, इंदापूर तालुक्यामधील सर्व महाविद्यालयापैकी गुणवत्ता टिकवून ठेवणार्या तसेच शैक्षणिक दर्जा व त्याच बरोबर विद्यार्थ्यांच्या कलागुणांना वाव देणारे एकमेव महाविद्यालय गणले जाते. वार्षिक स्नेहसंमेलनात विद्यार्थ्यांना आपल्या गायन, नृत्य, नाटक, संगीत अशा अनेक विविध कलागुणांचे सादरीकरण करण्यासाठी वाव मिळतो. मनोरंजनातून विद्यार्थ्यांच्या व्यक्तिमत्वाचा विकास होतो. विद्यार्थ्यांनी अभ्यासाबरोबरच खेळ आणि विविध कलामध्ये प्राविण्य मिळवले पाहिजे. याप्रसंगी कॉलेज जीवनातील जुन्या आठवणींना उजाळा मिळाला.
आमदार भरणे यांनी महाविद्यालयाच्या भौतिक सोयीसुविधासांठी 25 लाख रुपयांचा निधी जाहीर केला.
यावेळी महाविद्यालयाच्या अध्यक्षा श्रीमती आनंदी विश्वासराव रणसिंग, सचिव विरसिंहभैय्या रणसिंग, प्राचार्य डॉ अंकुशराव आहेर, छत्रपती कारखान्याचे संचालक अभिजित रणवरे, युवा उद्योजक विनोद रणसिंग सचिन सपकळ, सुहास डोंबाळे, रामभाऊ कदम, मधुकर पाटील, अतुल सावंत, शुभम निंबाळकर, रामभाऊ रणसिंग, जितेंद्र रणवरे, योगेश डोंबाळे, पिंटू डोंबाळे आदी मान्यवर व विद्यार्थी उपस्थित होते.