बारामती(वार्ताहर): ज्याप्रमाणे राष्ट्रवादी कॉंग्रेस पक्षाच्या नेत्याचा विकासाचा दूरदृष्टीकोन तसाच नगरसेविका मयुरी शिंदे यांचा असल्याने त्यांच्या प्रयत्नातून सामाजिक बांधिलकी जपत भारतरत्न डॉ बाबासाहेब आंबेडकर पुतळा(स्मारक) येथे वॉटर कुलरची सोय केली. या कामाचा शुभारंभ नगराध्यक्षा सौ. पौर्णिमा तावरे यांच्या हस्ते घेण्यात आला होता.
14 एप्रिलला उन्हाची तीव्रता पाहता व जयंती महोत्सवासाठी व इतर अनेक कार्यक्रमांसाठी हजारो भिमसैनिक अभिवादन करण्यासाठी येत असतात त्यांची गैरसोय होऊ नये हा उद्देश ठेवत वॉटर कुलर (थंड पिण्याचे पाणी) बसविण्यात आला.
आमराई भागातील नागरिकांच्या मुलभुत गरजांकडे सौ.मयुरी शिंदे या सातत्याने लक्ष देत असतात नागरिकांच्या समस्या सोडवण्यासाठी त्या नेहमी अग्रेसर असतात. लाईट,पाणी, रस्ते, ड्रेनेज लाईन या कामांना प्राधान्य देत मयुरी शिंदे यांनी आमराईकरांच्या मनामध्ये एक वेगळे स्थान निर्माण केले आहे.
यावेळी नगरसेविका मयुरी शिंदे यांनी सांगितले की गेली तीन पंचवार्षिक निवडणुकांमध्ये आमराई भागातून राष्ट्रवादी कॉंग्रेस पक्षाचे उमेदवार निवडून येत आहेत.विधानसभा, लोकसभेला मा.अजितदादा व खा.सुप्रियाताई यांनाही भरगच्च मतदान या भागातून होत असते.याचे एकमेव कारण म्हणजे अजितदादा यांनी उपलब्ध करून दिलेल्या निधीतून बारामती शहरात भरपूर विकास कामे होत असतात ही बारामतीकरांसाठी अभिमानास्पद बाब आहे.
भारतरत्न डॉ.बाबासाहेब आंबेडकर यांना अभिवादन करीत असताना विश्वाला शांतीचा संदेश देणारे तथागत भगवान गौतम बुद्धांना अभिवादन करता यावे अशी भिम अनुयायी यांच्या मनामध्ये भावना असते यासाठी त्याठिकाणी तथागत गौतम बुद्धांची मूर्ती बसविण्यात यावी यासाठी बा.न.प कडे मागणी केली आहे व त्यासाठी वेळोवेळी पाठपुरावा करीत आहे. – स्थानिक नगरसेविका, सौ.मयुरी सुरज शिंदे