बारामती(वार्ताहर): लाचलुचपत प्रतीबंधक कायदा कलम 7 हे लागु होत नाही व आरोपीने कोणत्याही रक्कमेचा स्वीकार केला नाही असा युक्तीवाद जिल्हा न्यायाधीश मे.जे.पी.दरेकर यांनी मान्य करून पोलीस हवालदार माणिक ज्ञानदेव गदादे यांचा रू.30 हजार बंदपत्रावरती जामीन मंजूर केला.
याबाबत सविस्तर माहिती अशी की, दि.19 ऑक्टोबर 2021 रोजी लोकसेवक आरोपी याने मांढरदेवी सातारा येथून स्कॉरपियो गाडी ताब्यात घेवून बारामती येथे आले व स्कॉरपिओचे मूळ मालक व फिर्यादी श्रीमती अक्का शेंडगे यांना रूपये 2 लाख लाचेची मागणी केली. तुमची गाडी चोरीची आहे. सोडावयाची असेल तर पैसे दयावे लागतील आम्ही सातारा एल.सी. बी. पोलीस आहोत. असे म्हणुन तडजोड अंती मागणी रक्कम 50 हजार ठरली.
दि. 21 ऑक्टोबर 2021 रोजी बारामती येथील इंदापुर रोडवर लाच लुचपत प्रतिबंधक विभागाने सापळा रचला. परंतु त्यापुर्वीच आरोपीने गाडी सोडुन दिली. अशा आरोपाखाली आरोपीस दि.7 डिसेंबर 2021 रोजी बारामती जिल्हा न्यायालयाचे परिसरात अटक केली. सदर आरोपी पोलीस हवालदार हा गेली सात महिन्यापासुन जिल्हा न्यायालयात कोर्ट गार्ड डयुटीवर नेमणुकीस होता. आरोपीस अटक होऊन मे कोर्टात हजर केले असता, मे कोर्टाने आरोपीस 1 दिवसाची पोलिस कोठडी दिली. तदनंतर न्यायालीन कोठडीचा आदेश झाला. आरोपींच्या वतीने जामिन अर्ज दाखल करून आरोपीच्या वतीने ऍड.जावळे यांनी वरील युवक्तीवाद केला व आरोपीने प्रत्यक्षरित्या फिर्यादीस रक्कमेची मागणी केली नाही. जबाबमध्ये आरोपीवर लाच रकमेची मागणी केलेला आरोप नाही. घटना घडलेनंतर 46 दिवसांनी गुन्हा दाखल करण्यात आला. आरोपीचा गुन्हयाशी कोणताही संबंध नाही. आरोपी गुन्ह्याच्या कामी तपास अधिकारी यांना सहकार्य करण्यास तयार आहे असा विविध मुदयावर युक्तीवाद मे.कोर्टाने ऐकून घेऊन आरोपीची रक्कम रुपये तीस हजार चे जामीनावर मुक्तता केली.
आरोपीच्या वतीने ऍड.विनोद जावळे यांनी कामकाज पाहिले तसेच ऍड.प्रणिता जावळे, ऍड.कीर्ती कवडे, ऍड. राहुल शिंदे, ऍड.विशाल मापटे, ऍड. मानसी गायकवाड यांनी सहकार्य केले.