अशोक घोडके यांजकडून…
इंदापूर: येणार्या स्थानिक स्वराज्य संस्थांच्या जिल्हा परिषद व पंचायत समिती निवडणूका राष्ट्रीय समाज पक्ष स्वबळावर लढविणार असल्याने कार्यकर्त्यांनी तयारीला लागा असे आवाहन राष्ट्रीय समाज पक्षाचे पश्र्चिम महाराष्ट्र प्रभारी माऊली सलगर यांनी केले.
10 सप्टेंबर 2021 रोजी राष्ट्रीय समाज पक्षाच्या वतीने बावडा जिल्हा परिषद गटात महामेळाव्याचे आयोजन करण्यात आले होते. पश्र्चिम महाराष्ट्र विभागात एक हजार शाखा स्थापन अभियानास पुणे जिल्ह्यातील इंदापूर तालुक्यातून सुरूवात करण्यात आली.
यावेळी राष्ट्रीय समाज पक्षाचे पश्र्चिम महाराष्ट्र युवक प्रभारी अजित पाटील, पश्र्चिम महाराष्ट्र अल्पसंख्यांक आघाडी प्रभारी शाहिद मुलाणी, पुणे जिल्हा प्रभारी किरण गोफणे यांच्या मार्गदर्शनाखाली व सतीश तरंगे यांच्या नेतृत्वाखाली नवनिर्वाचित शाखा स्थापन करण्यात आल्या.
खोरोची शाखा, खरातवस्ती शाखा, निरवांगी शाखा, रेडणी शाखा, बावडा शाखा आणि चाकाटी शाखा स्थापन करून उद्घाटन करण्यात आले. यावेळी भव्य रॅली काढण्यात आली व जि.प.बावडा गटामध्ये मेळावा यशस्वी पार पडला.
या मेळाव्यात अजित पाटील, किरण गोफणे व सतीश तरंगे यांनी कार्यकर्त्यांना मार्गदर्शन केले. यावेळी प्रमुख उपस्थिती ज्येष्ठ नेते तानाजी शिंगाडे, रासपचे नेते शहाजी भाळे, पुणे जिल्हा उपाध्यक्ष सतीश शिंगाडे युवानेते गणेश हेगडकर, इंदापूर तालुका प्रभारी निर्मला शिंदे, युवक प्रभारी अभिजीत भाळे, इंदापूर शहराध्यक्ष उमा मखरे, आप्पा माने, श्रीनिवास सातपुते, नवनाथ कोळेकर, बजरंग वाघमोडे, मनेश जाधव, सचिन पलंगे, तानाजी मारकड, अविनाश मोहिते, समाधान काशीद, तात्याराम मारकड, ज्योतीराम गावडे, रणजीत तरंगे, संदीप भिंगारदिवे, विठ्ठल काळे, दयानंद हेगडकर, मंगेश तरंगे, गणेश काशीद इ.कार्यकर्ते व ग्रामस्थ उपस्थित होते. शेवटी आलेल्या प्रमुख पाहुण्यांचे आभार गणेश हेगडकर यांनी मानले.