बारामती(वार्ताहर): 30 ऑगस्ट रोजी ठाणे महानगरपालिकेच्या सहाय्यक आयुक्त कल्पिता पिंपळे यांच्यावर झालेल्या हल्ल्याचा बारामती नगरपरिषदेचे सर्व अधिकारी व कर्मचार्यांच्या वतीने 31ऑगस्टला काळ्या फिती लावून निषेध व्यक्त करण्यात आला.
पिंपळे व त्याचे सुरक्षा रक्षक हे शासकीय कर्तव्य बजावित असताना एका माथेफिरु भाजी विक्रेत्याने शासकीय कामात अडथळा आणून दोघांच्यावर जीवघेणा हल्ला केला. या भ्या हल्ल्यात दोघांना आपल्या हाताची बोटे गमवावी लागली.
गुन्हेगारी प्रवृत्तीचे लोक जेव्हा कर्तव्यदक्ष आणि प्रामाणिक अधिकार्यावर असे भ्याड हल्ले करतात त्यावेळी अधिकार्यांचेच नव्हे तर संपूर्ण प्रशासनाचे मनोधैर्य खच्चीकरण होत असते. त्यामुळे अशा हल्ल्यांचा संघटीतपणे निषेध करणे व संबंधितांवर योग्य ती कायदेशीर कारवाई करणे हाच एकमेव उपाय असल्याबाबत नगरपरिषदेच्या कामगार संघटनेने मार्फत यावेळी सांगण्यात आले.
सदर प्रसंगी सर्व बारामती नगरपरिषद अधिकारी व कर्मचारी उपस्थित होते.