वतन की लकीर (ऑनलाईन): पुणे जिल्ह्यात 70 लाख नागरिकांना लसीकरण करण्यात आलं आहे. जागतिक स्तरावर सध्या 5 ते 6 लाखांच्या दरम्यान रोजचे करोनाबाधित आढळत आहेत. ही तिसर्‍या लाटेबाबत धोक्याची सूचना आहे. त्यामुळे आम्ही काळजी घेत आहोत, असे राज्याचे उपमुख्यमंत्री ना. अजित पवार यांनी पुणे येथील पत्रकार परिषदेत बोलताना सांगितले.
बारामतीत दि.19 ऑगस्ट 2021 रोजी दिवसभरात बारामती शहरातून 22 तर ग्रामीण भागातून 53 रुग्ण असे मिळून 75 कोरोना बाधित रुग्ण संख्या आढळून आले आहेत.
काल बारामतीत 463 जणांचे आरटी-पीसीआर नमुने घेण्यात आले होते त्यापैकी 33 रूग्ण पॉझिटिव्ह आढळून आले आहेत. एकही रुग्ण प्रतिक्षेत नाही. इतर तालुक्यात 07 रूग्ण पॉझिटिव्ह आढळून आले आहेत.
काल खाजगी प्रयोगशाळेत 64 रूग्णांची आरटी-पीसीआर तपासणी केली असता 02 रूग्ण पॉझिटिव्ह आढळून आले आहेत. 1001 रुग्णांची ऍन्टीजन तपासणी करण्यात आली यामध्ये 40 रुग्ण पॉझिटिव्ह आढळुन आला आहे. म्युकर मायकॉसिसचे एकुण 39 रूग्णांपैकी बारामती तालुक्यातील 31 तर इतर तालुक्यातील 08 रूग्ण आहेत. यापैकी उपचार घेणारे 02 रूग्ण आहेत.
काल दिवसभरात बारामतीत एकूण 75 रुग्ण पॉझिटिव्ह आढळून आले आहेत. बारामतीत 27 हजार 944 रुग्ण असून, बरे झालेले 26 हजार 887 आहे. आज डिस्चार्ज 39 असुन, आतापर्यंत मृत्यू झालेले 704 असल्याचे तालुका आरोग्य अधिकारी डॉ.मनोज खोमणे यांनी कळविले आहे.