वतन की लकीर (ऑनलाईन): देशभरात आतापर्यंत 39 कोटी 53 लाख 43 हजार 767 नागरीकांना कोरोना प्रतिबंधक लस टोचून घेतली असून लवकरच देशाला लसींचे 66 कोटी डोस उपलब्ध होणार आहेत. भारताने कोविशिल्ड आणि कोवॅक्सिन 14 हजार 505 कोटी किमतीचे डोस मागविले आहेत. ऑगस्ट ते डिसेंबर या कालावधीत 135 कोटी डोस उपलब्ध करून देण्याचे लक्ष केंद्राचे आहे.
बारामतीत दि.15 जुलै 2021 रोजी दिवसभरात बारामती शहरातून 24 तर ग्रामीण भागातून 22 रुग्ण असे मिळून 46 कोरोना बाधित रुग्ण संख्या आढळून आले आहेत.
काल बारामतीत 244 जणांचे आरटी-पीसीआर नमुने घेण्यात आले होते त्यापैकी 04 रूग्ण पॉझिटिव्ह आढळून आले आहेत. एकही रुग्ण प्रतिक्षेत नसून, इतर तालुक्यात 03 रूग्ण पॉझिटीव्ह आढळून आले आहेत.
काल खाजगी प्रयोगशाळेत 42 रूग्णांची आरटी-पीसीआर तपासणी केली असता 04 रूग्ण पॉझिटिव्ह आढळून आले आहेत. 561 रुग्णांची ऍन्टीजन तपासणी करण्यात आली यामध्ये 38 रुग्ण पॉझिटिव्ह आढळुन आला आहे. म्युकर मायकॉसिसचे एकुण 39 रूग्णांपैकी बारामती तालुक्यातील 31 तर इतर तालुक्यातील 08 रूग्ण आहेत. यापैकी उपचार घेणारे 04 रूग्ण आहेत.
काल दिवसभरात बारामतीत एकूण 46 रुग्ण पॉझिटिव्ह आढळून आले आहेत. बारामतीत 26 हजार 191 रुग्ण असून, बरे झालेले 25 हजार 187 आहे. आज डिस्चार्ज 24 असुन, आतापर्यंत मृत्यू झालेले 671 असल्याचे तालुका आरोग्य अधिकारी डॉ.मनोज खोमणे यांनी कळविले आहे.