वतन की लकीर (ऑनलाईन): कोरोना प्रतिबंध लस घेतली म्हणून संसर्ग होणार नाही अशा भ्रमात राहणे चुकीचे ठरेल. सिव्हिल हॉस्पीटलमध्ये एका आरोग्य कर्मचार्‍याने लस घेऊनही आठ दहा दिवसांतच त्याचा कोरोना चाचणी केली असता पॉझिटीव्ह आल्याची माहिती समोर आली आहे.
दि. 01 फेब्रुवारी 2021 रोजी दिवसभरात बारामती शहरातून 08 तर ग्रामीण भागातून 06 रुग्ण असे मिळून 14 कोरोना बाधित रुग्ण संख्या आढळून आले आहेत.
काल 160 जणांचे आरटी-पीसीआर नमुने घेण्यात आले होते त्यापैकी 12 रूग्ण पॉझिटिव्ह आढळून आले आहेत. एकही रुग्ण प्रतिक्षेत नसून, इतर तालुक्यात 02 रूग्ण पॉझिटीव्ह आढळून आले आहेत. 14 रुग्णांची ऍन्टीजन तपासणी करण्यात आली यामध्ये 01 रुग्ण पॉझिटिव्ह आढळुन आला आहे.
शहरातील काल दिवसभरात बारामतीत एकूण 14 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 6 हजार 263 रुग्ण असून, बरे झालेले 6 हजार 012 आहे तर मृत्यू झालेले एकशे चौवेचाळीस आहेत.
काल तालुक्यामध्ये खाजगी प्रयोगशाळेत आरटी-पीसीआर 08 जणांचे नमुने घेण्यात आले त्यापैकी 01 रुग्ण पॉझिटिव्ह आढळुन आले आहेत.