वतन की लकीर (ऑनलाईन): ज्या कोरोनाने संपूर्ण जगभर थैमान घातले आहे. कोरोनाचा नवा विषाणू जो गेल्या आठवड्यात ब्रिटनमध्ये सापडला होता. तो स्ट्रेन त्याचा संसर्ग आधीच्या कोरोना विषाणूपेक्षा अधिक गतीने पसरतो. त्या स्ट्रेनचे 20 रूग्ण भारतात आतापर्यंत आढळून आले आहेत. सध्या परिस्थिती आटोक्यात असली तरीही काळजी घेण्याचे प्रशासनाने आवाहन केले आहे.
दि. 29 डिसेंबर रोजी दिवसभरात बारामती शहरातून 09 तर ग्रामीण भागातून 13 रुग्ण असे मिळून 22 कोरोना बाधित रुग्ण संख्या आढळून आले आहेत.
काल 80 जणांचे आरटी-पीसीआर नमुने घेण्यात आले होते त्यापैकी 09 व्यक्ती पॉझिटिव्ह आले आहेत. एकही रुग्ण प्रतिक्षेत नसून, इतर तालुक्यात 01 रूग्ण पॉझिटीव्ह आढळून आला आहे. 35 रुग्णांची ऍन्टीजन तपासणी करण्यात आली यामध्ये 10 रुग्ण पॉझिटिव्ह आढळुन आले आहेत.
शहरातील काल दिवसभरात बारामतीत एकूण 22 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 5 हजार 758 रुग्ण असून, बरे झालेले 5 हजार 445 आहे तर मृत्यू झालेले एकशे छत्तीस आहेत.
काल तालुक्यामध्ये खाजगी प्रयोगशाळेत आरटी-पीसीआर 12 जणांचे नमुने घेण्यात आले त्यापैकी 03 रुग्ण पॉझिटिव्ह आढळुन आले आहेत.
कोरोनाचा संसर्ग रोखण्यासाठी नागरीकांनी सतत मास्कचा वापर करणे, सोशल डिस्टेसिंग, गर्दीत जाणे टाळणे गरजेचे आहे.