बारामती(वार्ताहर): दि. 21 नोव्हेंबर रोजी दिवसभरात बारामती शहरातून 20 तर ग्रामीण भागातून 11 रुग्ण असे मिळून 31 कोरोना बाधित रुग्ण संख्या आढळून आले आहेत.
काल 496 जणांचे rt-pcr नमुने घेण्यात आले होते त्यापैकी 13 व्यक्ती पॉझिटिव्ह आढळुन आले आहेत. 110 प्रतिक्षेत असुन इतर तालुक्यात पाच रुग्ण पॉझिटिव्ह आढळुन आला आहे. 141 रुग्णांची अॅन्टीजन तपासणी करण्यात आली यामध्ये 13 रुग्ण पॉझिटिव्ह आढळुन आले आहेत. काल दिवसभरात बारामतीत एकूण 31 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 4 हजार 632 रुग्ण असून, बरे झालेले 4 हजार 289 आहे तर मृत्यू झालेले एकशे तेवीस आहेत.
काल तालुक्यामध्ये खाजगी रुग्णालयात rt-pcr 10 जणांचे नमुने घेण्यात आले त्यापैकी 5 रुग्ण पॉझिटिव्ह आढळुन आले आहेत.
दिनांक 20 नोव्हेंबर 20 रोजीचे प्रतीक्षेत असलेल्या 233 जणांचा rt-pcr तपासणी अहवाल प्राप्त झाला असून त्यापैकी बारामती शहरातील 06 व बारामती तालुक्यातील 03 अशा एकूण 09 रुग्णांचा अहवाल पॉझिटिव्ह आला आहे.