बारामती(वार्ताहर): दि. 15 नोव्हेंबर रोजी दिवसभरात बारामती शहरातून 11 तर ग्रामीण भागातून 16 रुग्ण असे मिळून 27 कोरोना बाधित रुग्ण संख्या आढळून आले आहेत.
काल 30 जणांचे rt-pcr नमुने घेण्यात आले होते त्यापैकी 03 व्यक्ती पॉझिटिव्ह आढळुन आले आहेत तर प्रतिक्षेत व इतर तालुक्यात एकही रुग्ण पॉझिटिव्ह आढळुन आला नाही. 55 रुग्णांची अॅन्टीजन तपासणी करण्यात आली यामध्ये 22 रुग्ण पॉझिटिव्ह आढळुन आले आहेत. काल दिवसभरात बारामतीत एकूण 27 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 4 हजार 447 रुग्ण असून, बरे झालेले 4 हजार 184 आहे तर मृत्यू झालेले एकशे एकवीस आहेत.
काल तालुक्यामध्ये खाजगी प्रयोगशाळेत rt-pcr 04 जणांचे नमुने घेण्यात आले त्यापैकी 2 रुग्ण पॉझिटिव्ह आढळुन आले आहेत.
सर्व बारामतीकरांना आवाहन करण्यात येते की आपण सर्वांनी दिवाळीच्या मंगल समयी मास्क व सॅनिटायझरचा वापर आणि सोशल डिस्टंसिंग पाळून कोरोना मुक्त दिवाळी साजरी करूया व आरोग्य रुपी धनाचे जतन करूया
भाऊबीज व बलिप्रतिपदेच्या सर्वांना मनपूर्वक हार्दिक शुभेच्छा!