बारामती(वार्ताहर): दि. 12 ऑक्टोबर रोजी दिवसभरात बारामती शहरातून 20 तर ग्रामीण भागातून 19 रुग्ण असे मिळून 39 कोरोना बाधित रुग्ण संख्या आढळून आले आहेत.
काल 101 जणांचे rt-pcr नमुने घेण्यात आले होते त्यापैकी 22 व्यक्ती पॉझिटिव्ह आले आहेत. एकही रुग्ण प्रतिक्षेत नाही. इतर तालुक्यात चार रुग्ण पॉझिटिव्ह आढळुन आले आहेत 78 रुग्णांची अॅन्टीजन तपासणी करण्यात आली यामध्ये 16 रुग्ण पॉझिटिव्ह आढळुन आले आहेत. शहरातील काल दिवसभरात बारामतीत एकूण 39 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 3 हजार 749 रुग्ण असून, बरे झालेले 3 हजार 301 आहे तर मृत्यू झालेले एकशे तीन आहेत.
काल तालुक्यामध्ये खाजगी प्रयोगशाळेत rt-pcr 03 जणांचे नमुने घेण्यात आले त्यापैकी 01 रुग्ण पॉझिटिव्ह आढळुन आले आहेत.
पावसामुळे वातावरणात गारवा आहे. संशोधकांच्या म्हणण्यानुसार थंडीत रुग्ण वाढण्याची शक्यता नाकारता येत नाही. त्यामुळे जरी आपल्याकडे रुग्ण संख्या कमी झाली म्हणून नागरीकांनी निष्काळजीपणे राहु नये यापुढे आणखीन सतर्क राहण्याची गरज आहे. सतत हाथ धुवा, सॅनिटाइजर वापरा, मास्क लावा, गर्दीत जाणे टाळा. वयोवृद्धांची काळजी घ्या त्यांना घराबाहेर पडू देऊ नका. तरच आपण कोरोनावर मात करु शकु व बारामतीत रुग्ण संख्या नियंत्रणात ठेवु शकु. आपण असेच आतापर्यंत प्रशासनाला जे सहकार्य करीत आला आहे यापुढे असेच सहकार्य करावे असेही आवाहन करण्यात आले आहे.