बारामती(वार्ताहर): दि. 09 ऑक्टोबर रोजी दिवसभरात बारामती शहरातून 07 तर ग्रामीण भागातून 20 रुग्ण असे मिळून 27 कोरोना बाधित रुग्ण संख्या आढळून आले आहेत.
काल 144 जणांचे rt-pcr नमुने घेण्यात आले होते त्यापैकी 16 व्यक्ती पॉझिटिव्ह आले आहेत. एकही रुग्ण प्रतिक्षेत नाही. इतर तालुक्यात एकही रुग्ण पॉझिटिव्ह आढळला नाही. 41 रुग्णांची अॅन्टीजन तपासणी करण्यात आली यामध्ये 05 पॉझिटिव्ह आले आहेत. शहरातील काल दिवसभरात बारामतीत एकूण 27 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 3 हजार 659 रुग्ण असून, बरे झालेले 3 हजार 112 आहे तर मृत्यू झालेले नव्यान्नव आहेत.
“काल माझे कुटुंब माझी जबाबदारी” या उपक्रमांतर्गत तालुक्यातील वाणेवाडीत याठिकाणी ऍक्टिव्ह सर्वे करण्यात आला त्यामध्ये एकूण 62 संशयितांची एंटीजेन टेस्ट करण्यात आल्या त्यामध्ये 11 रुग्ण पॉझिटिव्ह आढळून आलेले आहे. याठिकाणी एकुण 1095 कुटुंबियांची चाचणी करण्यात आली आहे. आज दि. 10 ऑक्टोबर रोजी मुरुम या गावात एॅक्टीव्ह सर्वे करण्यात येणार आहे.