भिगवण(प्रतिनिधी-योगेश गायकवाड): भिगवण पोलीसांची दमदार कामगिरी, दरोड्या सारख्या गंभीर गुन्ह्यातील आरोपी नामे लहु नवनाथ गायकवाड (रा.कोरेगाव, ता.कर्जत, जि.अहिल्यानगर) यास एका तासाचे आतमध्ये भिगवण पोलीस स्टेशनचे प्रभारी अधिकारी सहाय्यक पोलीस निरीक्षक विनोद महागडे यांनी तात्काळ वरीष्ठांना माहिती देवून वरीष्ठांचे मार्गदर्शनाखाली फिर्यादी यांचेकडुन अज्ञात चोरटे यांचे बाबत माहीती घेवुन तपास टिम करून, स्थानिक गुन्हे शाखा पुणे ग्रामीण यांचे टीम यांचेसह स्थानिक नागरीक यांना मदतीस घेवुन आरोपीस जेरबंद करून जन सामान्य नागरीकांचे मनामध्ये भितीचे वातावरण दूर केले.
याबाबत सविस्तर माहिती अशी की, 06 मे रोजी रात्रौ 21:30 वा चे पासुन ते 22:20 वा चे दरम्यान मौजे भिगवण गावचे हद्दीत अथर्व कॉम्पलेक्स भिगवण (ता.इंदापुर, जि.पुणे) याठिकाणी फिर्यादी नामे आप्पासाहेब किसन दाताळ (वय 40 वर्षे, रा.अथर्व हाईट्स अमर दिप हॉटेलच्या पाठीमागे, ता. बारामती, जि.पुणे) यांना अज्ञात पाच ते सहा अनोळखी इसमांनी पकडुन त्यांचे हात पाय बांधुन त्यांचे तोंडाला कापड बांधुन त्यांचे पैकी एकाने फिर्यादीचे गळयाला लोखंडी सुरी लावुन फिर्यादी यांना मारहाण करून जीवे ठार मारण्याची धमकी देवून फिर्यादीचे खिशातील जबरदस्तीने, मोटार सायकल चाव्या ॲपल कंपनीचा आय फोन 13, 4,000/- रोख रक्कम व घरातील सामान अस्ताव्यस्त करून कपाटीतील 15.200 ग्रॅम वजनाचे सोन्याचे दागिणे किंमत रुपये 1,40,000/- रू चे ॲक्टिव्हजन कंपनीचा सी.सी.टी.व्ही. फुटेज किंमत रुपये 15,000/- रू असा एकुण 1,84,000/- रू किंमतीचा ऐवज जबरदस्तीने चोरून त्यांचे दोन मोटार सायकल वरून पळुन गेले आहेत. या अज्ञात पाच ते सहा अनोळखी चोरट्यांच्या विरोधात गुन्हा दाखल केला होता.
या घटनेचे गांभीर्य ओळखुन भिगवण पोलीसांनी अज्ञात चोरटे यांचा शोध घेत असताना भिगवण परीसरामध्ये एक संशईत इसम मोटार सायकलवर फिरत असताना मिळुन आला. त्यास ताब्यात घेवुन त्यास त्यांचे नाव पत्ता विचारता त्याने वरील प्रमाणे नाव व पत्ता सांगितला. त्याचे ताब्यात असलेल्या मोटार सायकलवर नंबर नसल्याने नंबर बाबत विचारपुस करता तो गोंधळुन जावु लागला. त्यामुळे त्यास ताब्यात घेवून पोलीस स्टेशन येथे आणुन त्यांचेकडे अधिक विचारपुस करता त्याने सदरचा गुन्हा केल्याची कबुली दिली. त्याचे अंगझडतीमध्ये पॅन्टचे उजवे खिशात गुन्हयातील चोरीस गेलेला ॲपल कंपनीचा आय फोन 13 मोबाईल मिळुन आले. त्यांचेकडे अधिक विचारपुस करता त्यांने गुन्हा केल्याची कबुली दिली. त्यामुळे त्यास सदर गुन्हयामध्ये 07 मे रोजी 05:40 वा अटक करण्यात आली आहे. अटक आरोपीस मा.प्रथमवर्ग न्यायदंडाधिकारी सो, इंदापुर न्यायालय यांचे समक्ष हजर केले असता मा.न्यायालयाने अटक आरोपीस 13 मे पर्यंत पोलीस कस्टडी रिमांड मंजुर केली आहे. सदर गुन्हयाचा पुढील तपास अमित पाटील, पोलीस उपनिरीक्षक भिगवण पोलीस स्टेशन हे करीत आहेत.
सदरची कामगिरी पुणे ग्रामीणचे पोलीस अधिक्षक पंकज देशमुख, अपर पोलीस अधिक्षक गणेश बिरादार, उपविभागीय पोलीस अधिकारी डॉ.सुदर्शन राठोड, स्थानिक गुन्हे शाखा पुणेचे वरिष्ठ पोलीस निरीक्षक अविनाश शिळीमकर यांचे मार्गदर्शनाखाली सहाय्यक पोलीस निरीक्षक विनोद महांगडे, स्थानिक गुन्हे शाखेचे सहाय्यक पोलीस निरीक्षक कुलदीप संकपाळ, भिगवण पो.स्टेचे पोलीस उपनिरीक्षक अमित पाटील, पोलीस उपनिरीक्षक विजय खाडे, पोलीस अंमलदार विजय लोडी, सचिन पवार, संतोष मखरे, राजु शिंदे, सुभाष गायकवाड, नितीन सुद्रीक, आप्पा भांडवलकर यांनी केली आहे.
भिगवण पोलीसांचे भिगवण परिसरातील नागरीकांकडून कौतुक होत आहे.
