इंदापूर(प्रतिनिधी-अशोक घोडके): इंदापूर शहरातील कित्येक दिवस प्रलंबित असणारा पत्रकार भवनाचा विषय तातडीने मार्गी लावणार असल्याचे इंदापूर स्वाभिमानी पत्रकार संघाचे अध्यक्ष शैलेश काटे यांनी संघाच्या झालेल्या पहिल्या बैठकीत सांगितले.
इंदापूर शासकीय विश्रामगृह या ठिकाणी स्वाभिमानी पत्रकार संघाची पहिली बैठक संपन्न झाली यावेळी श्री.काटे बोलत होते. पत्रकार भवन व ऐन वेळेच्या विषयांवर स्वाभिमानी पत्रकार संघाची बैठक येथे खेळीमेळीच्या वातावरणात पार पडली.
यावेळी महेश स्वामी, राहुल ढवळे, कैलास पवार, सुरेश मिसाळ, सिद्धार्थ मखरे, संतोष भोसले, इम्तियाज मुलाणी, धनंजय कळमकर, नीलकंठ भोंग, शिवाजी शिंदे, दीपक खिलारे, आदित्य बोराटे, नानासाहेब लोंढे, जितेंद्र जाधव, मुक्तार काझी, प्रकाश आरडे, अशोक घोडके, दत्तात्रय मिसाळ, अतुल सोनकांबळे, राकेश कांबळे, हमीद आतार, देवराज जगताप, संतोष मोरे इ. पत्रकार उपस्थित होते.
पुढे काटे म्हणाले की, दिवंगत पत्रकार अनंतराव श्यामराव जकाते यांनी सर्वप्रथम सन 1984 साली इंदापूर येथे पत्रकार भवन उभारण्यात यावे अशी मागणी वेळोवेळी शासनाकडे केली होती. परंतु मागणी कडे दुर्लक्ष केले गेले. याविषयी स्थानिक लोकप्रतिनिधी व शासनाकडे पाठपुरावा केला आहे. परंतू पत्रकार भवनाचा विषय अद्यापही प्रलंबित आहे. त्यामुळे पत्रकार भवनाचा विषय तडीस नेणार आहे. काही दिवसात शहरात पत्रकार भवनाची भव्य-दिव्य इमारत तालुक्यातील सर्व पत्रकारांच्या सहकार्याने उभारली जाईल असेही ते म्हणाले.
भारतरत्न डॉ. बाबासाहेब आंबेडकर यांनी 31 जानेवारी 1920 साली सुरु केलेल्या ’मूकनायक’ या मराठी भाषेतील पाक्षिकाला 104 वर्ष पूर्ण होत असल्याच्या पार्श्वभूमीवर या ठिकाणी पत्रकार बांधवांच्या वतीने पहिल्या अंकाचे वाचन करून हा दिन साजरा करण्यात आला.