वतन की लकीर (ऑनलाईन): करोनाच्या संभाव्य तिसर्‍या लाटेची शक्यता सातत्याने वर्तवली जात असतानाच मुंबईत पहिल्याच्या तुलनेत दुसर्‍या लाटेत रुग्णवाढ आणि मृत्युदराचा आलेख घसरता आहे. इतरत्र रूग्णवाढीचा दर घसरत असताना बारामतीत 78 कोरोना बाधीत आहेत.
बारामतीत दि.16 ऑगस्ट 2021 रोजी दिवसभरात बारामती शहरातून 19 तर ग्रामीण भागातून 59 रुग्ण असे मिळून 78 कोरोना बाधित रुग्ण संख्या आढळून आले आहेत.
काल बारामतीत 485 जणांचे आरटी-पीसीआर नमुने घेण्यात आले होते त्यापैकी 36 रूग्ण पॉझिटिव्ह आढळून आले आहेत. एकही रुग्ण प्रतिक्षेत नाही. इतर तालुक्यात आठ रूग्ण पॉझिटिव्ह आढळून आले आहेत.
काल खाजगी प्रयोगशाळेत 43 रूग्णांची आरटी-पीसीआर तपासणी केली असता 10 रूग्ण पॉझिटिव्ह आढळून आले आहेत. 1388 रुग्णांची ऍन्टीजन तपासणी करण्यात आली यामध्ये 32 रुग्ण पॉझिटिव्ह आढळुन आला आहे. म्युकर मायकॉसिसचे एकुण 39 रूग्णांपैकी बारामती तालुक्यातील 31 तर इतर तालुक्यातील 08 रूग्ण आहेत. यापैकी उपचार घेणारे 02 रूग्ण आहेत.
काल दिवसभरात बारामतीत एकूण 78 रुग्ण पॉझिटिव्ह आढळून आले आहेत. बारामतीत 27 हजार 734 रुग्ण असून, बरे झालेले 26 हजार 740 आहे. आज डिस्चार्ज 39 असुन, आतापर्यंत मृत्यू झालेले 702 असल्याचे तालुका आरोग्य अधिकारी डॉ.मनोज खोमणे यांनी कळविले आहे.