वतन की लकीर (ऑनलाईन): बारामतीत दि. 22 मे 2021 रोजी दिवसभरात बारामती शहरातून 68 तर ग्रामीण भागातून 122 रुग्ण असे मिळून 190 कोरोना बाधित रुग्ण संख्या आढळून आले आहेत.
कोरोनाच्या दुसर्‍या लाटेनंतर देशातील दररोज साडेचार लाखांच्या आसपास असलेली रुग्ण संख्या आता घसरत असल्याचे दिसून येत आहे. दिलासादायक म्हणजे शुक्रवारी मृत पावलेल्या रुग्णांच्या प्रमाणात ही आकडेवारी कमी असल्याचे दिसून येत आहे.
काल बारामतीत 531 जणांचे आरटी-पीसीआर नमुने घेण्यात आले होते त्यापैकी 104 रूग्ण पॉझिटिव्ह आढळून आले आहेत. एकही रुग्ण प्रतिक्षेत नसून, इतर तालुक्यात 11 रूग्ण पॉझिटीव्ह आढळून आले आहेत. 100 रुग्णांची ऍन्टीजन तपासणी करण्यात आली यामध्ये 33 रुग्ण पॉझिटिव्ह आढळुन आला आहे.
काल दिवसभरात बारामतीत एकूण 190 रुग्ण पॉझिटिव्ह आढळून आले आहेत. बारामतीत 23 हजार 424 रुग्ण असून, बरे झालेले 20 हजार 688 आहे. डिस्चार्ज 287 असुन, आतापर्यंत मृत्यू झालेले 579 असल्याचे तालुका आरोग्य अधिकारी डॉ.मनोज खोमणे यांनी कळविले आहे.
काल तालुक्यामध्ये खाजगी प्रयोगशाळेत आरटी-पीसीआर 69 जणांचे नमुने घेण्यात आले त्यापैकी 25 रुग्ण पॉझिटिव्ह आढळुन आले आहेत.
बारामती तालुक्यामध्ये होळ, कांबळेश्वर व पारवडी येथे एंटिजेन तपासणी कॅम्प आयोजित करण्यात आला होता त्यामध्ये एकूण 298 संशयितांची एंटिजेन तपासणी करण्यात आली त्यामध्ये एकूण 28 रुग्णांचा अहवाल पॉझिटिव्ह आलेला आहे.