वतन की लकीर (ऑनलाईन): कोरोनाच्या मूळ विषाणूतून काही नवे विषाणू निर्माण झाल्याने त्यातील एका विषाणूकडे मोठी संसर्गक्षमता पसरविण्याची शक्ती होती मात्र तो विषाणू कालांतराने मृत पावला असल्याचे इन्टिट्युट ऑफ जिनोमिक्स ऍण्ड इंटेग्रेटिव्ह बायालॉजी (आयजीआयबी) यांनी म्हटले आहे.
हे उत्पादित झालेले विषाणू इंग्लड, फ्रान्ससहीत इतर देशांत आढळले आहे त्यामुळे जगभर घबराट निर्माण झाली आहे. भारतात जूनमध्ये हा नवा विषाणू मृत पावला आहे. त्यामुळे या विषाणूची चर्चा व घबराट निर्माण होण्याचा प्रश्र्नच उद्भवत नसल्याचेही सांगण्यात आले आहे.
एखाद्या विषाणूचा मूळ विषाणू शोधून काढण्यााठी जीन सिक्वेन्सिंगचे तंत्र वापरण्याचा प्रस्ताव सर्वप्रथम केरळने ठेवला. त्यामुळे या विषाणूवर लक्ष ठेवणे व उपचार करणे अधिक सुलभ झाले असल्याचेही सांगण्यात आले आहे. केरळ राज्याची मोलाची कामगिरी झाली आहे.
दि. 26 डिसेंबर रोजी दिवसभरात बारामती शहरातून 05 तर ग्रामीण भागातून 08 रुग्ण असे मिळून 13 कोरोना बाधित रुग्ण संख्या आढळून आले आहेत.
काल 73 जणांचे आरटी-पीसीआर नमुने घेण्यात आले होते त्यापैकी 04 व्यक्ती पॉझिटिव्ह आले आहेत. एकही रुग्ण प्रतिक्षेत नसून, इतर तालुक्यात सुद्धा एकही रूग्ण पॉझिटीव्ह आढळून आला नाही. 32 रुग्णांची ऍन्टीजन तपासणी करण्यात आली यामध्ये 04 रुग्ण पॉझिटिव्ह आढळुन आले आहेत.
शहरातील काल दिवसभरात बारामतीत एकूण 13 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 5 हजार 703 रुग्ण असून, बरे झालेले 5 हजार 364 आहे तर मृत्यू झालेले एकशे छत्तीस आहेत.
काल तालुक्यामध्ये खाजगी प्रयोगशाळेत आरटी-पीसीआर 21 जणांचे नमुने घेण्यात आले त्यापैकी 05 रुग्ण पॉझिटिव्ह आढळुन आले आहेत.
कोरोनाचा संसर्ग रोखण्यासाठी नागरीकांनी सतत मास्कचा वापर करणे, सोशल डिस्टेसिंग, गर्दीत जाणे टाळणे गरजेचे आहे.