वतन की लकीर (ऑनलाईन): दि. 01 डिसेंबर रोजी दिवसभरात बारामती शहरातून 24 तर ग्रामीण भागातून 26 रुग्ण असे मिळून 50 कोरोना बाधित रुग्ण संख्या आढळून आले आहेत.
काल 158 जणांचे आरटी-पीसीआर नमुने घेण्यात आले होते त्यापैकी 26 व्यक्ती पॉझिटिव्ह आले आहेत. एकही रुग्ण प्रतिक्षेत व इतर तालुक्यात आढळून आला नाही. 85 रुग्णांची ऍन्टीजन तपासणी करण्यात आली यामध्ये 13 रुग्ण पॉझिटिव्ह आढळुन आले आहेत. शहरातील काल दिवसभरात बारामतीत एकूण 50 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 5 हजार 057 रुग्ण असून, बरे झालेले 4 हजार 526 आहे तर मृत्यू झालेले एकशे एकोणतीस आहेत.
काल तालुक्यामध्ये खाजगी प्रयोगशाळेत आरटी-पीसीआर 25 जणांचे नमुने घेण्यात आले त्यापैकी 11 रुग्ण पॉझिटिव्ह आढळुन आले आहेत.
नागरीकांनी जास्तीत जास्त स्वत:ची व कुटुंबातील वृद्धांची काळजी घेणे गरजेचे आहे. कुटुंबातील कर्ता पुरूष बाहेर जात असल्याने वृद्धांपासून काही अंतरावरून बोलणे, घेणे-देणे करावे. सतत मास्क वापरा, सॅनिटायझरने हात धुवा, गर्दीत जाणे टाळा अशा छोट्या गोष्टींची काळजी घ्या. प्रशासनाला सहकार्य करा, प्रशासन आपल्या हाकेला धावत आहे त्यामुळे मनात कोणतीही भिती न बाळगता तातडीने तपासणी करून घ्या व निष्काळजी रहा.