बारामती(वार्ताहर): दि. 08 नोव्हेंबर रोजी दिवसभरात बारामती शहरातून 16 तर ग्रामीण भागातून 05 रुग्ण असे मिळून 21 कोरोना बाधित रुग्ण संख्या आढळून आले आहेत.
काल 45 जणांचे rt-pcr नमुने घेण्यात आले होते त्यापैकी 02 व्यक्ती पॉझिटिव्ह आढळुन आले आहेत तर प्रतिक्षेत व इतर तालुक्यात एकही रुग्ण पॉझिटिव्ह आढळुन आला नाही. 51 रुग्णांची अॅन्टीजन तपासणी करण्यात आली यामध्ये 16 रुग्ण पॉझिटिव्ह आढळुन आले आहेत. काल दिवसभरात बारामतीत एकूण 21 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 4 हजार 363 रुग्ण असून, बरे झालेले 4 हजार 116 आहे तर मृत्यू झालेले एकशे एकोणीस आहेत.
काल तालुक्यामध्ये खाजगी प्रयोगशाळेत rt-pcr 06 जणांचे नमुने घेण्यात आले त्यापैकी 3 रुग्ण पॉझिटिव्ह आढळुन आले आहेत.
माझे कुटुंब, माझी जबाबदारी या मोहिमेमुळे आपण कोरोना संसर्ग रोखण्यात काही प्रमाणात यशस्वी झालो. येणार्‍या पुढील काही महिन्यात ही मोहीम प्रखरपणे राबविण्यात यावी. मुंबईतील आकडेवारी शेकड्यात आली. सध्या राज्यातक कोरोनाच्या रूग्णांची आकडेवारी नियंत्रणात आहे, पण दिल्लीत किंवा अन्य ठिकाणी आकड्याचा आलेख वाढत चाललेला आहे.
राज्याचे मुख्यमंत्री उद्धव ठाकरे यांनी आवाहन केले आहे की, प्रदूषणामुळे कोरोनाचा संसर्ग वाढतो. त्यामुळे प्रदूषण करणारे फटाके टाळा. आता दुसर्‍या लाटेची चिंता आहे. ती येऊ नये यासाठी सर्वांनी सहकार्य करण्याची गरज आहे. विशेषत: पोलीस, महसूल, आरोग्य सेवक, डॉक्टर अत्यंत तणावाखाली जनतेसाठी लढत आहेत यांना सहकार्य करण्याची गरज आहे. कोरोनाविरोधात लढण्यासाठी आता आपल्याजवळ मास्क, सॅनिटायझर व गर्दीत जाणे टाळणे ही रामबाण शस्त्रे आहेत.