बारामती(वार्ताहर): दि. 24 सप्टेंबर रोजी दिवसभरात बारामती शहरातून 27 तर ग्रामीण भागातून 35 रुग्ण आणि दि.23 सप्टेंबर मधील प्रतिक्षेत असलेले 05 जणांचा अहवालापैकी एक रुग्ण पॉझिटिव्ह आला आहे, असे मिळून 62 कोरोना बाधित रुग्ण संख्या आढळून आली आहे.
काल 174 जणांचे rt-pcr नमुने घेण्यात आले होते त्यापैकी 43 व्यक्ती पॉझिटिव्ह आले आहेत. तर 1 प्रतिक्षेत आहे. इतर तालुक्यातील एक रुग्ण पॉझिटिव्ह आढळला आहे. 80 रुग्णांची अॅन्टीजन तपासणी करण्यात आली यामध्ये 18 पॉझिटिव्ह आले आहेत. शहरातील काल दिवसभरात बारामतीत एकूण 62 रुग्ण पॉझिटिव्ह आढळून आले असल्याचे बारामती तालुका आरोग्य अधिकारी डॉ. मनोज खोमणे यांनी कळवले आहे. बारामतीत 2 हजार 941 रुग्ण असून, बरे झालेले 2 हजार 65 आहे तर मृत्यू झालेले एकाहत्तर आहेत.
बारामती शहर व तालुक्यात मास्क न वापरणाऱ्यावर कारवाई केली जात आहे. सॅनिटाइजरचा वापर या सर्व बाबींची नागरिकांमध्ये जागृती आलेली दिसत आहे. दंड नको पण मास्क लावु असेही काही नागरीक बोलताना दिसत आहे. बारामतीचे प्रशासन तन, मनाने प्रयत्न करीत आहे. रुग्ग बरे होण्याचा आकडा सुद्धा वाढत आहे त्यामुळे नागरीकांनी न भिता या अदृश्य शत्रूशी दोन हात करुन लढण्याचा प्रयत्न करावा. या लढ्यात तुम्हाला पोलीस, आरोग्य विभाग व इतर सर्व प्रशासन सोबत आहेत.